Wp/mag/गति
यदि कौनो वस्तु अन्य वस्तुके तुलनामे समयके सापेक्षमे स्थान परिवर्तन करैत हे, त वस्तुके ई अवस्थाके गति (motion) कहल जा हे ।
सामान्य शब्दमे गतिके अर्थ - वस्तुके स्थितिमे परिवर्तन गति कहला हे । जैसे- नदीमे चलैत नाओ, वायुमे उड़ैत बिमान आदि ।
परिभाषा
[edit | edit source]दूरी (distance): कौनो देल समयान्तरालमे वस्तु द्वारा तय कैल गेल मार्गके लम्बाईके दूरी कहल जा हे । ई एक अदिश राशि हे । ई सदैव धनात्मक (+ve) होवहे ।
विस्थापन (displacement): एक निश्चित दिशामे दु बिन्दुके बीचके लम्बवत दूरीके विस्थापन कहल जा हे । ई सदिश राशि हे । एकर एसआइ मात्रक मीटर हे । विस्थापन धनात्मक, ऋणात्मक आउ शून्य कुछो हो सकहे ।
चाल (speed): कौनो वस्तुके दूरीके दरके चाल कहल जा हे । अथार्त् चाल = दूरी / समय । ई एक अदिश राशि हे । एकर एसआइ मात्रक मीटर/सेकेण्ड हे ।
वेग (velocity ): कौनो वस्तुके विस्थापनके दरके या एक निश्चित दिशामे प्रति सेकेण्ड वस्तु द्वारा तय कैल विस्थापनके वेग कहल जा हे । ई एक सदिश राशि हे । एकर एसआइ मात्रक मीटर/सेकेण्ड हे ।
संवेग (momentum): कौनो वस्तुके द्रव्यमान आउ वेगके गुणनफल ऊ वस्तुके संवेग कहला हे ।
- संवेग = वेग × द्रव्यमान
- एसआइ मात्रक- किग्रा × मी/से
त्वरण (acceleration): कौनो वस्तुके वेगमे परिवर्तनके दरके त्वरण कहल जा हे । एकर एसआइ मात्रक मी/से2 हे । यदि समयके साथे वस्तुके वेग घटहे त त्वरण ऋणात्मक होवहे, जेकरा मन्दन (retardation ) कहल जा हे ।
गतिके प्रकार
[edit | edit source]- रैखिक गति- जखनि कौनो वस्तु कौनो सरल या वर्क रेखा पर गति करहे, त ई प्रकारके गतिके रैखिक गति कहल जा हे ।
- वृतीय गति- जखनि कौनो वस्तु कौनो वृताकार पथ पर गतिमान होवे त, ई प्रकारके गतिके वृतीय गति कहल जा हे ।
- दोलनी गति- जखनि कौनो वस्तु कौनो निश्चित बिन्दुके आगे-पीछे या ऊपरे-नीचे गति करहे, त ई प्रकारके गतिके दोलनी गति कहल जा हे ।
- आवर्त गति- ओइसन गति जेकरामे कौनो कण कौनो निश्चित समय अन्तरालके बाद दोहरावे, त ई प्रकारके गतिके आवर्त गति कहल जा हे ।
- अनियमित गति- जखनि कौनो वस्तु अपन गतिके दिशा अनियमत रूपसे परिवर्तित करैत रहहे, त ई प्रकारके गतिके अनियमित गति कहल जा हे ।
- घूर्णन गति- ओइसन गति जेकरामे कौनो कण कौनो बिन्दुके चार दन्ने बिन स्थान परिवर्तनके घूमहे, त ऊ प्रकारके गतिके घूर्णन गति कहल जा हैे ।
इहो देखी
[edit | edit source]सन्दर्भ
[edit | edit source]बाहरी कड़ी
[edit | edit source]