Wp/mag/आकाश

ऊँचाईसे वायुयान द्वारा आकाशके दृष्य

कौनो खगोलीय पिण्ड (जैसे धरती) के वाह्य अन्तरिक्षके ऊ भाग जे ऊ पिण्डके सतहसे लौकहे, ओही आकाश हे । अनेक कारणसे एकरा परिभाषित कैल कठिन हे । दिनके प्रकाशमे पृथ्वीके आकाश गहरा-नील रङ्गके सतह नियन प्रतीत होवहे जे हावाके कण द्वारा प्रकाशके प्रकीर्णनके परिणामस्वरूप घटित होवहे । जखनिकि रात्रिमे हमनीके धरतीके आकाश तारेगनसे भरल करिया रङ्गके सतह नियन जना हे ।

रङ्ग

पीला आकाश में उड़ता हुआ परिंदा

आकाशके रङ्ग ओकर अपन नै होवे । सूरजसे आवेवाला प्रकाश जखनि आकाशमे उपस्थित धूरी इत्यादिसे भेटहे त ऊ छितर जा हे । नील रङ्ग अपन अपेक्षाकृत कम तरङ्गदैर्घ्यके चलते अन्य रङ्गके अपेक्षा अधिक छितरहे । एहीसे आकाशके रङ्ग नील लौकहे पर ई हरेक बेर नील होवे जरूरी न । ढेर बेर ई पियर या लालो रङ्गके लौकहे ।

आकाशके विलोम शब्द

आकाशके विलोम शब्द "पाताल" हे ।

आकाश के अर्थ होवहे "स्वर्ग" या "असमान" । "पाताल" के अर्थ होवहे “बड्डी नीचेके तल” अथवा "अन्तरिक्षके निचला परत" ।

अन्य नाम

आकाशके अन्य नाम हे:

• नभ
• असमान
• अम्बर
• व्योम
• निलाम्बर
• गगन

भारतीय धर्मदर्शनमे आकाश

प्राचीन भारतीय धर्मग्रन्थके अनुसार सृष्टिके निर्माण पाँच तत्वसे भेल मानल जा हे जेकरामे कि एक आकाश हे (बाकी चार हे-पृथ्वी, वायु, जल, अग्नि) । यदि तुलना कैल जाये त भारतीय धर्मदर्शनमे वर्णित आकाशके अवधारणा वर्तमान वैज्ञानिक ज्ञान आउ शब्दावलीके एक अयाम "स्थान" (स्पेस) के निकट प्रतीत होवहे । एकर एक उदाहरण अष्टावक्र गीताके निम्न श्लोक हे -

एकं सर्वगतं व्योम बहिरन्तर्यथा घटे । नित्यं निरन्तरं ब्रह्म सर्वभूतगणे तथा ।।

जौन प्रकार एके सर्वव्यापक आकाश घड़ाके भीतरे आउ बाहिरे हे, ओही प्रकार सदा स्थिर (सदा विद्यमान) आउ सदा गतिमान (सदा रहेवाला) ब्रह्म सब भूतमे हे ।

तज्ज्ञस्य पुण्यपापाभ्यां स्पर्शो ह्यन्तर्न जायते । न ह्याकाशस्य धूमेन दृश्यमानापि सङ्गतिः ।।४- ३।।

ओकरा (ब्रह्मके) जानेवाला अपन अन्तमे पाप आउ पुण्यके स्पर्श नै करे, ई ऐसने हे जैसे ऊपरेसे केत्ते प्रतीत होवे किन्तु वास्तवमे धुआँ कखनियो आकाशके स्पर्श नै करे ।