Wp/mag/अणु

Wp/mag/अणु के बारेमे, विकिपीडियाके बन्धुप्रकल्प पर आउ जानी:
	शब्दकोषीय परिभाषा
	पाठ्यपुस्तक
	उद्धरण
	मुक्तस्रोत
	चित्र एवं मीडिया
	समाचार कथा
	ज्ञानसाधन

साधारण चीनीके अणु - एकरामे १२ कार्बन (करिया रङ्ग), २२ हाइड्रोजन (उज्जर रङ्ग) आउ ११ आक्सीजन (लाल रङ्ग) के परमाणु एक दोसरासे जुड़ल होवहे

अणु पदार्थके ऊ छोटा कण हे जे प्रकृतिमे स्वतन्त्र अवस्थामे पाएल जाहे किन्तु रासायनिक प्रतिक्रियामे भाग न ले सकहे । रसायन विज्ञानमे अणु दु या दुसे अधिक, एके प्रकार या अलग अलग प्रकारके परमाणुसे मिलके बनल होवहे । परमाणु बरियार रसायनिक बन्धनके चलते आपिसमे जुड़ल रहहे आउ अणुके निर्माण करहे ।^[4]^[5]^[6]^[7]^[8] अणुके सङ्कल्पना ठोस, द्रव आउ गैसला अलग अलग हो सकहे । अणु पदार्थके सबसे छोट भागके कहल जाहे । ई कथन गैसला जादे उपयुक्त हे । उदाहरणला आक्सीजन गैस ओकर स्वतन्त्र अणुके एगो समूह हे । द्रव आउ ठोसमे अणु एक दोसरासे कौनो न कौनो बन्धनमे रहहे, इनखर स्वतन्त्र अस्तित्व न होवहे । ढेर अणु एक दोसरासे जुड़ल होवहे आउ एक अणुके अलगे न कैल जा सकहे । अणुमे कौनो विद्युत आवेश न होवहे । अणु एके तत्त्वके परमाणुसे मिलके बनल हो सकहे या अलगे-अलगे तत्वके परमाणुसे मिलके ।

आण्विक विज्ञान

अणुके विज्ञान आण्विक रसायन वा आण्विक भौतिकशास्त्र कहलाहे । विज्ञानके ऊ शाखा जेकरामे अणुके निर्माण आउ विखण्डनके अध्ययन कैल जाहे ओखरा आण्विक रसायन विज्ञान कहल जाहे, जखनिकि विज्ञानके जे शाखामे आण्विक संचरनासे जुड़ल सिद्धान्त आउ गुणके अध्ययन कैल जाहे ओखरा आण्विक भौतिकशास्त्र कहल जाहे ।