Wp/lzz/lat/Svanepe

Mi renan?

SVANETİ yani ŞONE, Svanuri nenate ŞVAN – gyulva Okorturaş/Gurcistaniş ar rak’anoni regioni, Samegreloşi jileni malte yani manz’agere (k’omşi) ren. andğaneri Svanetis jur rayoni/ilçe ren – Mest’iaşi do Lent’exişi. masuma na ren K’odorişi yani Dalişi ruba Okorturaşi/Gurcistanişi Apxzetiş muxurişi/byolgeşi doloxe ren do emus ”Apxazetiş Svaneti” u3′umeran. Svanetişi didi noğa do şkaguri ren Mest’ia. mteli K’avk’asias do Avrop’as irişen mağala oput’eti Svanetis ren do emus Uşguli gyoz’in – zoğaşen jin 2200 m. Svanepe yani Şonepe ar Çkineburi di3xirişi xalk’i ren, muç’oti Megrelepe do yulva Okorturaşi xalk’epe. Svanetis entepeşi muk’onoba 30 000 k’oçite eik’oro3xen. Svanuri nenati (Luşnu Nin) sum na miğunan Çkineburi Nenapeşen ar ren – Laz-Megrulişi do Kortulişi cuma nena. mcveşendoni Svaneti K’olxetişi yani Lazik’aşi omapeşi ar muxuri/byolge rt’u, andğati Svaneti Okorturaşi muxuri ren. amuşenti Svanepes ”dağişi/golaşi K’olxepe”-sti ucoxaman.