Wp/lzz/lat/Erkan Ocakli

Erkan Ocakli ren Arkabi cinconi Lazi ar k’eraşi bere. Magerme na rt’u baba muşiş dulyaşi sebebiten dibadu T’amt’ras, 1949-s. Beroba muşi Maçkas na mek’ilu Erkan Ocaklik kogyoç’k’u muşi musik’aşi k’arieris, oput’es vitosum- vitootxo 3’aneri rt’uşi sazi gelaçamuten. Gamantana şeni idu 3’oxle T’amt’raşa ok’uleti Mp’olişa. Mp’oliş Universit’et’işi Oçkinobaşi Fak’ult’et’i oçodinu.

Mp’olik meçu gza, muşi musik’aşi skidalas. Kogyoç’k’u gelaçamus k’erk’elepeşi k’on3ert’epes. 1970-oni 3’anapeşi geç’k’alas, ixandu Mine Koşani k’ala artot, gelaçu sazi. İçinu musik’aşi p’iasa, irk’eleni çkvaneroba muşiten. İxandu Harika Plaki k’ala artot ginz’e 3’anapeş morgvalis. Qu Uçazoğa p’op’i eçi 3’anaşen met’a oraş 3’oxle. Qu musik’ape disk’oşi st’iliten 1985-s. Oqoropapu kemance, eya na var içinopt’u mitxanepes. Ok’ok’atu kemance 3’oxle sazi, ok’uleti orgi k’ala.

Erkan Ocakli qu nanç’inerot jurneçi albumi. Anşi filmis roli na osağu Erkan Ocaklik rejisorobati qu. Arm3ika p’eriodiş doloxe, qu p’rogramape Kanal 7 -s. Nanç’inerot 350 best’e do Turkuli k’ala arm3ika rt’as nati, Lazuri birapaşi rep’ert’uari na uğun Erkan Ocakliş majureneçani xeşnoxvenobaşi 3’ana şeni, Lutfi Kirdar İnt’erna3ionaluri K’ongresi do Merçapaşi Sarayis ar didi ok’oxtala ixvenu. Jur fara na içilu Erkan Ocakli ren jur bereşi baba. Didi oraşen doni pank’reasişi k’anseri na omç’ut’u Erkan Ocakli, 16.11.2008 tariğis Mp’olis doğuru.