Wp/lus/William Shakespeare-a

From Wikimedia Incubator
< Wp‎ | lusWp > lus > William Shakespeare-a
Jump to navigation Jump to search
William Shakespeare-a
A thlalâk
Shakespeare.jpg
A chanchin tlangpui
Hming William Shakespeare-a
Pian kum Kum 1564, A pian ní , leh thlà chiah hriat a ni lo.
Eizawnna ziakmi
Thih kum Kum 1616, ṭau thla ni 23
Sülhnu lam
Kutchhûak Lemchan tam tak leh hlarelh 154
Hriat hlawhna ṭhenkhatte
Lemchan, hlarelh, chhamhlä, hlahril

William Shakespeare-a hi sâp ţawng-a hlaril phuahtu ropui leh Lemchan ziaktu ropui berte zinga mi a ni a. A vai thuin Lemchan 38 vel, Tlar 14 hla 154 vêl zet leh hlahril dang tamtak a phuah.

Pian leh murna[edit]

A pian ni tak hi hriat chian a ni lo va, mahsé kum 1564, ţau thla ni 26 khan baptis a ni tih erawh a hriat chian theih thung. Amaherawh chu a pian champha hi ţau thla ni 23-ah lawm a ni tlangpui. Stratford-upon-Avon-ah piangin a seilian a ni.

Hun hmasa[edit]

Kum 18 a nihin kum amah aia kum 8 zeta upa Anne Hathaway-i nupuiah a nei a. An inneih hnu thla ruk lekah fanu Susanna-i an hring a. A hnu kum hnihah phir, Hamnet-a leh Judith-i an hring leh a ni. Hemi hnu kum nga vel zet hi Shakespeare-a chanchin hriat tur a awm lo va, chuvangin a chanchin zirmi te chuan Shakespeare-a kum hlohte tiin an sawi hial ţhin. Kum 1592-a London Theater-a a hming sawi lan a nih leh hma hi chu a chanchin chhui tur a awm lo a ni.

Thuziah ţan[edit]

A thu ziah ţan tak hi hriat a ni lo va, mahsé a hun laia London Theater-a lemchan chhinchhiahnaah chuan Shakespeare-a lemchan ziahte hi kum 1592 khan chan an ni tih a hriat theih[1].

Hun hnuhnung leh thih[edit]

Kum 1606 hma lamah thu a ziak nasa deuh ber a, kum 1606-1607 vel chhovah thu a ziak tlem tawh hle a. Kum 1613 hnu lamah phei chuan thu a ziah hriat a ni tawh lo. Kum 1616, ţau thla ni 23 khan a nupui leh a fanu pahnihte chu a thihsan ta a ni. A thih hnu ni 2-ah Holy Trinity Church, Stratford-upon-Avon-ah phum a ni.

A thuziak ţhenkhat[edit]

Lemchan[edit]

A lemchan ţhenkhatte chu heng te hi a ni:

  1. Titus Andronicus
  2. Cariolanus
  3. Hamlet
  4. Julius Caeser
  5. Taming of the Shrew
  6. Much Ado About Nothing
  7. A Midsummer Night's Dream
  8. All's Well That Ends Well

Hlahril[edit]

  1. Venus and Adonis[2]
  2. The Rape of Lucrèce[3]

Tlar 14 hla[edit]

Tlar 14 hla hi 154 zet a ziak a, hengte hi thupui amahin a vuah lem lo va, a nambar pêk a ni zawk.

A hùhang[edit]

Shakespeare-a hi sâp ţawng hmangho zingah chauh lo pawh a lar hlë reng a. Amaherawh chu hnam hrang hrangten mahni hnam kutchhuat ngei an ngaihhlut ţheuh avangin zerman-ho karah te, ferên-ho karah te chuan a lar dan a nêp deuh lo thei lo a ni[4]. Mahni hriatthiam loh thil ngaihhlut hi thil theih loh a ni. Amaherawhchu khawvelah sâp ţawng hmang an tam avangin a larna hi a tlahniam tak tak thei lo thung.

Thulâkna[edit]

  1. Chambers, E.K., William Shakespeare: A Study of Facts and Problems (bu 2). Oxford Clarendon Press
  2. Colin Burrow, The Oxford Shakespeare: The Complete Sonnets and Peoms (Oxford World's Classic) (kum 2002)
  3. Colin Burrow, The Oxford Shakespeare: The Complete Sonnets and Peoms (Oxford World's Classic) (kum 2002)
  4. Ibid, p.