Wp/lus/Tlawm ve lo lalnu Ropuiliani
Tlawm ve lo lalnu Ropuiliani tih hi Pi Lalsangzuali Sailo (1949-2006) hla phuah lär berte zing ami a ni. He hla hi Pi Lalsangzuali Sailo lehkhabu 'Tlawm ve lo- lalnu Ropuiliani' tih ziak tura a inbuatsaihna a Research hrang hrang a tih atanga Mizo lalnu ropui tak mai, Denlung lal Ropuiliani D/o Lalsavunga hi Kumpinu lakah khan a lo tlawm awzawng lo va. Kan Mizo thangtharte tana Lal huaisen chuan a thih thlengin British lakah a lo tlawm lo, chuvangin he lal ropui tak hi thangtharte hriatah puanzar a nih zel theih nana a phuah te pawh ti ila a dik ang. He a lehkhabu ziah 'Tlawm ve lo - lalnu Ropuiliani' tih hi kum 1999 khan Mizo Academy of Letters (MAL) chuan lehkhabu thaber 'Book of the Year'-ah a lo thlang hial a ni. Mizo zaithiam Lalrindiki Khiangte (Daduhi) hi a sa lär bertu a ni a, kum 2000 chho vel atang khan a Album-ah a dah a, Youtube channel ah pawh en theihin a awm bawk. Aizawl a Cable TV pakhat LPS chuan a vawikhat nan Youth Icon 2007 a thlang a, heta telte zingah sa ve pawh an awm nual a, nimahsela Daduhi anga sa nalh tak tak leh larpui tumah an awm thei meuh lo.
Hlathü[edit | edit source]
1.
- Hmartiang ngurpui hraichawi dawntuai vangkhaw mawiin,
- Chhimtiang rengpui chhuihthang valpui lal nuthai an;
- A lo lawi e ni leh thla kar a leng lanu,
- Khuanu samsuih in an leng e chhimtlang mawiin.
- A tlawm ve lo Ropuiliani sappui tawn ah,
- A zam ngai lo pheisen darfeng doral hma ah;
- Thlangkawr vai ah anpai jail run nghak a fam hnu,
- Kan chawi zel dawn a sakhmingmawi Ropuiliani.
2.
- Kum za hlei sul in a liampui rengtin chhing zo tu,
- Sappui miril thaikawi zia tial amawi tin ngei;
- Laisuih tuah rem khawnge thiamsang Zofa leng te?
- Mihrang ram chhan lalnu ropui a vul leh ta.
3.
- Ngurzawng saiin vailian tawn an ding zo awmlo,
- An hran ana tlang tin khuatin tui ang nem zo;
- An hrilh laldang lungliani zawng a nem ngai lo,
- Hrenthir an ban ta maw lungduh hnutiang chhawn in.
4.
- Famchan a huam anpai bawiha kuna ai chuan,
- Thingserh sata lam ang letlo hnam martar kha;
- Chawimawi nopui i hlan ang u thang leh thar hian,
- A ram leh hnam tarpuiin a fam pui ta e.