Wp/lus/Kolasib

From Wikimedia Incubator
< Wp‎ | lusWp > lus > Kolasib
Jump to navigation Jump to search

Kolasib hi Mizoram hmar lam khawpui pakhat a ni a. Mizoram District pariat zinga District hming neitu, District khawpui (capital) a ni. 23o 70o S leh 24o 50o N Latitude leh 920o 50o W – 93o E Longitude inkara awm a ni.

Kolasib District hi India rama Assam State-in a ri a, Cachar leh Hailankandi District nen, hmar leh hmarthlang lamah a inri a. Chhim leh chhim chhakah Aizawl District nen inriin, chhim thlang lamah Mamit District (Mizoram) nen a inri bawk.

Mizoram State leh India ram hmun dang inkalpawhna hmun pawimawh lai taka awm niin, National Highway No. 54 in Kolasib District hi hmar lam atanga chhim hawi zawngin a tan tlang a. Mizoram Rail Head neih chhun Bairabi chu Kolasib atanga hmar thlang lama awm a ni. Khawvel pum huapa lar tham - Military Counter Insurgency & Jungle Warfare School chu Kolasib District-a Vairengte khua (Kolasib khaw hmar lama awm) a awm niin, he School hi Asia rama hetiang lam School lian ber niin, khawvelah pawh lang tham a ni.

Kum 2011 chhiarpui (Census) ah Kolasib khawpui chhung bikah hian In (Household) 5112 awmin, mihring (population) 24094 an awm a. Kolasib District-ah hian (2011 Census-ah) mihring 58267 an awm bawk.