Wp/lus/J.F. Laldailova

From Wikimedia Incubator
< Wp‎ | lus
Wp > lus > J.F. Laldailova
J.F. Laldailova
<spant style="font-family:Segoe script;">J.F. Laldailova thlalâk i neih chuan rawn thawh la kan läwm hlë ang


A chanchin tlangpui
Hming J.F. Laldailova
Pian kum Kum 1925, pawlkût thla ni 9, zirtàwpní
Eizawnna Chanchinbu enkawltu, ziakmi, ṭawnglettu
Thih kum Kum 1979, nikir thla ni 7, ningàní
Sülhnu lam
Kutchhûak Sâp ṭawng-mizo ṭawng thufiahbu,
Chawimawina Mizo Hla Kungpui Mual-ah sengluh a ni.
Hriat hlawhna ṭhenkhatte
Ṭawnglettu, Ṭawng thlitfimna, Thufiahbu siam

J.F. Laldailova (1925-1979) hi mizo ṭawng tihhmasawn leh tihrualkhai lama thawh hlâwk tak, Sâp ṭawng-Mizo ṭawng thufiahbu hman hlawh êm êm English-Lushai dictionary siamtu a ni. Ṭawng-lettu, thufiahbu-siammi leh chanchinbumi nih a fàwm a ni.

Pian leh murna[edit | edit source]

Laldailova hi Mizoram Catholic Kohhran dintu Pu Peter Thangphunga leh Pi Saichhungi te fa niin kum 1925, pawlkût thla ni 9 khan a lo piang a. Baptisma a chanin a kristian hmingah Joseph Francis tih phuahin J(oseph) F(rancis) Laldailova tiin hriat a lo ni ta a ni. Mizo Catholic Kohhran zinga Baptisma chang hmasa ber a ni nghe nghe.

A naupan lai[edit | edit source]

Kum sawm mi lek a nihin kum 1935 khan Chittagong-ah High School a lût a. Mizo dang awm ve lo mah se naupang tumruh mi a nih avangin chhel takin a zir a. Ṭum 22 exam a beihah ṭum 17 pakhatna a ni. Sâp ṭawng thuhlaril-a a tui avangin Mizo ṭawng hloh vek khawpin a zir a. Indopui II-naah sikul khar a nih avangin pawl 8 thleng chauh a zir a. Mizo rama a lo kir lehin Mizo ṭawng a hranpain a zir leh a. Mizo ṭawng pawh ani tluka duhtui leh thiam an awm lo ang tih khawp hiala thiam a ni leh ta mai a n!

Hna dil[edit | edit source]

Mizorama a lo chhuah hian an chhungkua an harsa hle a. Chutih lai chuan Boys’ M.E.School-ah 93rd Brigade an inkulh a. Peon hna thawktu tur an duh tih hriain a pa nen an va dil a. Major-in a sap ṭawng thiam zia a hriatin, "Sap ramah hetiang hi tirhchhiahah kan hmang ngai lo, lehkha zirtir leh zawk rawh u," a ti a. Mahse an inchhungin a tlin miau si loh avangin a chhunzawm thei ta chuang lo va. Royal Air Force a zawm a. Rimawi a ngainat avangin tawtawrawt ham a zir a, a thiam hle. Band Master a ni pha.

A kutchhuak lam[edit | edit source]

Lenkhawm hian a lung a tileng thei em em a; Chheih zai leh Tlanglam zai te pawh a thiamin a ngaina a ni. Lehkhabu lehlin lamah ei zawngin, Thu ngaihnawm bu leh Chanchin bu a enkawl a. Baibul lehlina a famkim lo lai leh duhthusam lo laite huaisen takin a sawisel thin. Mizo-English Dictionary leh English-Mizo Dctionary a siam a. Tun thlengin zirlaite tan a ṭangkai em em a ni. Mizo zirlai tam zâwkte sâp ṭawng zir ṭanna hnar ber pakhat a ni.

Hun hnuhnüng[edit | edit source]

Kum 1978, khuangchawi thla khan hrisel lohna a neih tak avangin Dibrugarh leh Silchar-ah te a inentir a. Dibrugarh damdawi in aṭangin dam ṭha angreng takin kum 1979, vau thla ni 12 khan a lo häwng a. Mahse rei vak lo hnuah Civil Hospital-ah thla khat zet a awm a. Kum 1979, ṭomir thla ni 24-ah beidawng takin mahni in lamah a häwng leh a. Kum 1979, nikir thla ni 7, zing dar ruk-ah William Shakespeare-a ṭawng kulmût pui pui pawh Zoṭawng nalh taka Zofate lehlinsaktu, zirlaite thufiahbu rintlâk taka chawmtu chuan he khawvel hi a chhuahsan ta a ni.

Thulâkna[edit | edit source]

  • Mizo Hlakungpui Mual Luahtute, J.F. Laldailova, [[1]]