Wp/lus/Capt. L.Z. Sailo

Lalzuala Sailo (1924-2008), Capt. L.Z. Sailo tia hriat làr zâwk hi mizo hla phuah thiam, chhamhla leh hlahril hmanga Zofate insuihkhâwmna duhawmzia leh a duhthusäm chawitu a ni.

A chanchin tawi

Zofate zinga India ram chawimawina sang leh ropui tak Padma Bhushan (2007) dawng hmasa bertu Capt. L.Z. Sailo hi kum 1924, sahmulphah thla ni 21-ah Sialhawk khuaah a lo piang a. A pa chu Liankanglova a ni. Thuziak lama kutchhuak nei tha tak niin, lehkhabu sawmli(40) chuang a ziak a. Chung zinga 14 chauh chhut a la ni. A thawnthu ziak ngaihnawm leh ṭangkai tak "Runlum Nuthai" chu Mizo Academy of Letters pek "Lehkha bu ṭha ber-2002" lawmman dawngtu a ni.

Capt. L.Z. Sailo hian a saka sak chi hla 350 chuang a phuah a. Chung zinga hla 289 chu bu khata lakhawmin "Insuihkhawm leh zai i rel ang u" tih hming puin kum 2008 khan chhut a ni a. Chhamhla bu "Awmkhawhar Suihlunglen" chu kum 2008-ah a chhuah a. "Suihlunglen Hlahril" bu chu kum 2001-ah a tichhuak bawk. Hen'g lekha bua chuang chhamhla hi tlar singhnih vel a ni a. Zofate zingah amah aia chhamhla phuah tam an awm kher awm lo ve. A hla phuah zingah chuan, “Insuihkhawm leh zai i rel ang u,” tih hi a lar ber a ni.

Thulâkna

• Chawngthu, Tluanga, Mizo Thuhlaril Hmasawn Dan - Part 3, misual.com thuziak [[1]]