Wp/lus/Bahkhàwr

From Wikimedia Incubator
< Wp‎ | lusWp > lus > Bahkhàwr
Jump to navigation Jump to search
Bahkhàwr

Bahkhàwr (Zirnahming: Eryngium foetidum) hi Apiaceae chhungkuaa thlài chi khat a ni a. Lei chhim leh hmara a lai taka tantu ngaihruat rin dung leh a chhehvêl ramah awm berin thlai kumhlun a ni. Mizoram leh Indiaram hmun dang tam takah pawh hmuh tùrin a awm a, chawhmeh bawlhlo siamna lär tak a ni.

Awmna ramte[edit]

Lei pang kiar lai leh a chhehvêlah lo chuan amahin a ṭo mai lo va, chuvangin ram tam tak, entirnan Amerikaram-ah te chuan boruak enkawl bîk hnuaia chin a ngai tlangpui a ni. Asia khawmualpuiah erawh chuan a awm tlùan tih theih a ni a, abîk takin Indiaram, Thairam leh Viatnamram-ah te chuan a ṭo nasain chawhmeh leh bawlhlo ilova hman pawh a hlawh hlë.

Puerto Rico te, Trinidad leh Tobago-ah te leh Karip thliarkar ram hmun dang ṭhenkhatah pawh chawhmeh cheibàwl nana hman a hlawh hlë.

Ramhmul damdàwi[edit]

Eisiam lama a pawimawhna bâkah ramhmul damdawi pawimawh tak a ni bawk a. Êk khal, pumná, kawṭhalo, sikserh leh rul chuk chena enkawlna atana hman theih a ni[1]

Mizorama a dinhmun[edit]

Bahkhàwr hi Mizoram chhim lamah khakhùan tia sawi a ni a. Mizote chawhmeh ràwtsep lär berte zinga mi a ni. A tlangpuiin a ràwta ei a ni a, amaherawhchu uisa te, kelsa te leh sa dang tamtak säwngbàwl leh tihrimtui nan hman a ni bawk.

Thulâkna[edit]

  1. Paul J.H.A., Seaforth C.E., Tikasingh T. "Eryngium foetidum L.: A review", Fitoterapia kum 2011 chhuak.