Wp/lua/Mount Kilimanjaro

Mukuna wa Kilimanjaro udi ku Nord-Est kua ditunga dia Tanzanie, udi ne mikuna isatu idi yenza mudilu: wa Shira udi ku westa, udi ne butumbuke bua metre 3.962, wa Mawenzi udi ku esta, udi ne butumbuke bua metre 5.149, ne wa Kibo, udi mutambe bukuabu, udi munkatshi mua mikuna mikuabu ibidi. Mukuna wa Uhuru udi ne butumbuke bua metre 5.891,8 ne udi muaba mutambe bunene wa mu Afrike. Pa kumbusha bualu ebu, Kilimanjaro mmumanyike kabidi bua tshipepele tshiende tshia mashika tshidi tshienda tshijika lukasa katshia ku ntuadijilu kua bidimu bia 1900 ne badi batshinka ne: tshidi mua kujika mu tshidimu tshia 2030 too ne ku tshia 2050.

Tshitupa tshia Mukuna wa Kilimanjaro tshiumvuika ku sud mu ngondo 6 wa 2009

Bantu batu bamba ne: dipanga dia neje didi dikebesha kudi luya lua buloba, kadi dipanga dia mitshi didi kabidi ne buenzeji bunene. Nunku, nansha muvuabu bafuke muaba eu mu 1973, ne nansha mudiwu wambuluisha bikole bua kulombola lupepele ne mâyi, tshibandabanda tshia mitshi etshi tshidi anu tshienda tshikolakana. Bantu ba bungi badi basombele mu mikuna eyi, mmumue ne: balami ba mikoko ba bena Maasai badi ku nord ne ku ouest badi dijinga ne miaba ya bungi ya kudishila mikoko yabu, ne babidime ba wachagga badi ku sud ne ku est badi babidima miaba ya bungi mu mikuna eyi, nansha mudi bantu ba bungi bamone ne: mbikumbane ku ntuadijilu kua bidimu bia 1900.