Wp/lua/Communism
Tshidi dilongesha didi diela pamua mishindu mu dienza dia bintu bia bantu kudia anyi kuluata ne bintu bikuabu mudimu,bua bantu bonso, ne Ku diumbusha Dia kutangila bantu kuulu kua bakuabu mu ngikadilu.
balame mêna abu ne badi bapetangana ne bukokeshi mu amue matunga. Mu Cuba, mu Vietnam, mu Laos, ne mu Corée du Nord, matunga adi adiamba mudiwu a bakoministe atshidiku, kaayi alonda mbulamatadi nansha umue to. Tshiena-Chine tshitshidi anu tshikokeshibua kudi tshisumbu tshia ba-koministe; bu mudiye mushintuluke mu malu a mpetu a mu tshisalu, lelu udi umue wa ku matunga adi ne bukole bua bungi pa buloba bujima. Bu mudibu bakokeshi ba tshikisu ba tshisumbu tshimue, makokeshi a Marx-Lenin adi adiamba mudiwu a ba-koministe onso mmakale ne tshibawu tshia dishipa dia manême a bantu; bamue, bu mudi URSS ku bukokeshi bua Joseph Stalin ne Chine ku bukokeshi bua Mao Zedong, bakenza malu mabi a bungi, ne bungi bua bantu bavua bafue buakafika ku miliyo ya bungi. Muyuki wa malu a kale a bakoministe, udi ne malu malelela mashilangane, nansha nanku udi ushala, bua mudiye mukole, mushilangane ne wa dikokangana. Bukomuniste mbulue tshiena bualu tshia mishindu mishilashilangane ya difunda dia malu a kale, mipangile mutantshi mule bua lutatu lua kupeta mikanda ne bua malu a tshididi a mu ditunga ne a pa buloba bujima. Dijika dia Mvita Mikole ne diunzulula dia nzubu ya dilamina bintu bia kale bia ku Est mbishintulule malu a malu a bu-koministe, kabiyi bijikija bilumbu bionso bidi bitangila bualu ebu to.
