Wp/lld/Franz Angel Rottonara

From Wikimedia Incubator
< Wp‎ | lldWp > lld > Franz Angel Rottonara
Jump to navigation Jump to search

Franz Angel Rottonara é nasciü a Corvara dl 1848 sciöche möt dl ustí Angel dl’ostaria Posta. Bele da pice insö mostrâl n gran talënt da dessigné. Al á frecuenté la Scora d’ert a Urtijëi y la Cademia d’ert a Minca, olache al á studié cun i professurs Schwindl, Wagner y Strähuber. Giulan a na sovenziun da pert dl govern dl’Austria ál frecuenté la Scora d’ert a Viena. I maestri C.Briosky, H.Burkhard y J.Kautsky ti á porté daimpró la decoraziun de scenes de teater y operistiches, cun chëres che al á arjunt gran suzes.

Dl 1890 i mituns dl maester Kautsky á arpé la firma metüda sö da so pere y á metü sö la Ciasa Kautsky-Rottonara, olache Rottonara se dê jö cun la pert artistica dles scenografies. Franz Angel Rottonara á depënt operes scenografiches por i maius teatri de so tëmp: Praga, Zürich, Hamburg y Berlin, sciöche ince por teatri dl’America, dl’India, dla Cina y dl Iapan.

Danter les scenografies depëntes él chëres por les operes Le nozze di Figaro, Il Mercante di Venezia, Die Zauberflöte, Romeo e Giulietta, Amleto, sciöche ince depënc por le re de Bucarest y por la sala da bal Romacher da Viena.

Tla Val Badia él resté n afrësch pro l’ostaria Crusc Blancia a San Linert che rapresënta la badëssa Gisela de Ciastelbadia y val’cheder te sües ciases.

Al é mort dl 1938 a Semmering dlungia Viena.

Funtanes

  • Magyar művészet az osztrák önkényuralom és a dualizmus időszakában.[halott link] Internet Broadway Database (angolul)
  • Oskar Pausch: Franz Angelo Rottonara. Ein Maler aus Corvara. Landesbibliothek Dr. Friedrich Teßmann, Bozen. (németül) Rottonara, Franz-Angelo, 1848-1938 (Életrajzi adatok) (németül)
  • Deutsche Biographische Enzyklopädie (DBE): 8. kötet: Poethen-Schlüter, szerk. Rudolf Vierhaus, kiadó K.G. Saur,. München, 2007. (németül)

Wikidata

d:Q1003307