Wp/lkt/Tókhetu Maǧáksiča Oówa Ičúpi

Zuyá wičháša tȟéča waŋ hokšíla kiŋ etáŋhaŋ tuwá oówa wiyákpa waštélake. Othí kiŋ tȟéhaŋl etáŋhaŋ máni. Blokétu lakȟóta tȟókeča kiŋ oówaŋyaŋg wašté oówa kiŋ theȟíla. Tuktéišna wóžuha kiŋ mahél makȟásaŋ na wíyuŋpi ičú na oówa tȟoktȟókeča waŋláke iyúŋpi. Thoháŋl naǧí kiŋ háŋska ičáǧe slolyé, haŋhépi pȟéta kiŋ iyéhaŋtu khiyéla blé wan thípi čík’ala káǧe. Wí šá kiŋ étuŋwaŋ yaŋké. Waȟúpakazo waŋ naȟ’úŋ, tȟakȟóla k’uŋ kiŋ hená iyúha na taŋyáŋ wačhíŋyaŋke. Tȟokáhe iyúha iyúš’iŋyayapi éyaš tuwé kiŋ iyékhiyapi na hokšíla éktiya nuŋwáŋpi. Kȟoškálaka kiŋ wókheya ogná kičhópi hél iyúha thiléhaŋyaŋg yaŋkápi. Watóhaŋl Zuyá wičháša tȟéča kiŋ táku uŋspéičʼičhiya k’uŋ átaya oyáke. Maǧáksiča ȟóta waŋ éwačhiŋ hiŋglé Maǧáksiča kiŋ eyé “Kȟolá itówapi uŋkičhí káǧa oyákihi he? itówapi waŋ uŋkičhí oówaŋyaŋg wašté káǧa oyákihi he?” Zuyá wičháša kiŋ eyé “háŋ owákihi na oówa óta ičú” eyé. Maǧáksiča tȟáŋka waŋ eyé “natá tȟózi waštéla na tȟahú kaléǧa ská waná makhú ǧí na hú zí wačhíŋ” eyé. Waná pȟaǧúŋta ečíyapi. Mahásaŋni kiŋ wačhíyewaye iyéčheča wíyuŋpi šni, eyé wíyunpi ǧí. Maǧášniyala nawáte tȟó kiŋ íŋš-eyá na thiwáhe wíyunpiwičhakiye toháŋl iglúštaŋ wíyuŋpu waníče čha maǧá wíyuŋšni.