Wp/ljp/Ulay

Bumacom-macom jenis ulay

Ulay yakdolah kelompok réptil mak bucukut rik bubadan kejung say tisebar berak di duniya. Secara ilmiyah, unyin jenis ulay tikelompokko di lom say ordo, yakdolah Sérpéntés rik munih ngerupako anggota jak ordo Squamata (réptiliya buhenak) jejama lawan Kilang. Kidang, ulay tenggalan dikelompokko lom cabang klade (Ophidia), yakdolah segolongan réptil-réptil say wat atawa mawat bucukut, bubadan kejung, rik ngedok pisiyologis say bida nihan jak kilang.

Asal-Usul

Ulay kira-kira radu buépolusi jak kilang tanoh jak pertengahan jaman Jurassic (174,1 togok 163,5 juta tahun say liwat). Posil ulay paling tuha say tipandayi, Eophis underwoodi, iyulah ulay lunik say hurik di darak Inggeris selatan dihak 167 juta tahun say liwat.