Wp/ljp/Tungkah

Kibaw Aprika ngemik tungkah

Tungkah atawa tukkah yakdolah bagiyan badan pepira binatang, say tuwoh jak huluni. Tungkah ngandung lamon kératin dilom ni, protéin say munih wat di buwok rik tanggayni jerema. Binatang gegoh jawi, kambing, domba, rik antélop wat tungkah di huluni. Tungkah biyasani tuwoh sepasang rik simétris rik permanén, mak gegoh antler (rangka tungkahni uncal), say umumni gogor rik tuwoh luwot inggal tahun.

Cighi-cighi

Tungkah ngemik inti tulang say nonjol jak tengkorak binatang, lapisan luwahni tungkah sa tisani jak kératin say ngeni kekuwatan rik pléksibilitas. Tungkah tuwoh terus-menerus sekejung hurikni rik mak ngegatti rik gogoran, bida jama antler. Tungkah risok tipakay guway ngelindungi dirini tiyan, ngelawan musuh, atawa segaga tunang. Tungkah dapok tipakay guway ngenal spésiyés, ulih bentuk rik ukoran tungkah bumacom-macom di antara jenis binatang.