Wp/ljp/Tigal
Tigal atawa bayat atawa kebang yakdolah binatang mamaliya say kuruk lom ordo Chiroptera. Binatang hinji say-say ni mamaliya say dapok hambor secara aktip. Kepini tigal tisani jak mémbran bawak say tiuraw patagium, say ngebentang di antara jari-jari culukni say kejung. Tigal tikenal sebagay binatang nokturnal (begawi pas debingi), rik pepira spésiyésni makay ékolokasi guway mit dipa-dipa rik nyepok kanikan.
Cighi pisik
[edit | edit source]Kepini tigal nyani tiyan dapok hambor lincah, malahan di rang say pelik. Selayin sina, najin wat anggopan bahwa tigal sa buta, kidang kenyataanni binatang hinji ngemik pengliyakan say helaw, utamani pas debingi. Kidang, lamon spésiyés tingal say hunjak milih ngandalko ékolokasi, yakdolah kemampuwan guway ngeluwahko suwara ultrasonik rik ngedetéksi pantulanni.
Pola mengan
[edit | edit source]Tigal ngemik pola mengan say bumacom-macom rik tibagi lom pepira kelompok, antarani:
- Insektivora: Yakdolah nganik serangga, nulung ngendaliko hama.
- Frugivora: Nganik buwah-buwahan, penting guway ngerapko biji.
- Nektarivora: Nganik néktarni kumbang, nulung penyerbukan.
- Karnivora: Nganik binatang lunik, misalni iwa rik burung barih.
- Hematofag: Nginum rahni binatang, gegoh say tigawiko jama tigal pampir (Desmodus rotundus).
Habitat ghik sebaghan
[edit | edit source]
Tigal dapok tihalu dipa-dipa gawoh di duniya, kecuwali di jenganan kutub rik pepira pulaw terpencil. Tiyan biyasani taru di rang say kelom rik tilindungi, gegoh guha, celah batu, batang, rik bangunan.