Wp/ljp/Mata

Guwai pemakaian lainni, liyak da: Mata (disambiguasi)

Mata yulah organ pengliyakan. Tanggom mata sai dasakh nihan yulah ngeliyak pok di hak wewah atau kelom. Guwai tanggom sai lebih kompléks, mata tipakai ninjuk cahaya guwai ngejuk pengliyakan.

Mata jelema

Mata jelema wat khua di bagian hadopni pudak, di bahni kakening khik di gekhil kikhi-kananni ikhung. Wat telu bagian sai nyusun bola mata:

1. Titik halom di tengahni mata, gelakhni pupil (di lom cawa Indonésia ticacak anak mata atau buah mata);
2. Lingkakhan bewakhna kelom di hakni pupil, gelakhni iris;
3. Bagian bewakhna handak, gelakhni sclera.

Lain jama mata jelema, mata sai wat di sekhangga tisusun jama khatusan sampai khibuan mata-mata lunik sai ngasilkon pengliyakan sai kenahan kutak-kutak (pixelated), lain lamon gambakhan gegoh sai wat di penyana lamon jelema. Mata gegoh hinji ticacak mata majemuk.

Di lamon vértébrata, mata wat tanggom nyekheminkon gambakhan mit rétina sai peka jama cahaya, laju tikikhimkon liwat saraf-saraf optik mit utok. Bentuk mata hinji buntokh, tiisi jama zat gegoh way khilau sai ticacak vitreous humour khik iris sai ngatukh sewewah api cahaya sai kukhuk.