Wp/ljp/Liman

Liman yakdolah mamaliya darak say paling balak say kuruk lom pamili Elephantidae rik ordo Proboscidea. Wat telu spésiyés utama liman say lagi hurik, iyulah liman Afrika semak (Loxodonta africana), liman Afrika pullan (Loxodonta clyclotis), rik liman Asia (Elephas maximus). Liman afrika umumni hunjak balakni jak liman barih rik cuping say hunjak balakni jak liman Asia.

Liman ngemik ciri has burupa belalay kejung say serbaguna, gegoh pakay mehengas, ngumbaw, mengan, nginum, riya munih bubalah. Tiyan munih ngemik gading say ngerupako taring ngejung rik tipakay guway ngegali, rigu, atawa angkah sebagay alat nulung begawi. Bawakni tiyan kedol, kidang cukup sénsitip, rik cupingni tipakay guway ngator suhu badan.

Liman tikenal yakdolah binatang say demon nemuy nyimah rik hurik lom kelompok say tisimbang jama betina paling tuha, say tiuraw matriark. Tiyan nalom nihan, dapok ngingok jenganni sumber way, rik nunjukko émosi gegoh émpati rik kesedihan.

Jengan hurikni liman bumacom-macom, mulay jak padang jukuk togok pullan tropis. Sayangni, populasini tiyan radu kak terancam punah ulihni peburuwan guway tiakuk gadingni rik habitatni radu cadang. Liman ngemik peran penting lom ékosistim yakdo sebagay pengerap biji rik ngebentuk lanskap. Upaya konsérpasi liyu tigawiko guway ngelindungi binatang hinji jak kepunahan.

Liyak Munih

Liman sumatra