Wp/ljp/Kain Tapis

Kayn Tapis yakdolah salah say kerajinan teradisional hulun Lampung berupa sinjang say dikeni sulaman.

Kayn Tapis disani anjak benang katun rik benang emas. Benang katun yakdolah benang say buwasal anjak kapas say dipakay sebagay bahan dasar dilom penyani'an kayn Tapis, maray benang emas dipakay guway nyani ragom hias dilom Tapis jama sistim sulam.

Kayn Tapis mulani disani sebagay bentuk penrormatan jama ninik muyang. Buyring jama waktu, kayn Tapis dipakay jama hulun Lampung guway ngeratongi acara-acara adat. Pas jaman ganta, hulun Lampung rik hulun pengratong munih makay kayn Tapis kala ngeratongi tayuhan.