Wp/ljp/Hanuwang

Hanuwang. Poto tiakuk di Kebun Binatang Dusit, Bangkok, Thailand

Hanuwang atawa Kambing-hutan Sumatra (Capricornis sumatraensis sumatraensis) yakdolah jenis kambing say angkah dapok hurik di pulan tropis pulau Sumatra, semenanjung Malaya rik sebagian selatan Thay. Populasini radu makin cutik rik tidesak ulih pembabatan pulan secara buwas. Spésiyes sinji titetapko dilom daptar tanoman rik héwan tilindungi di Indonesia.

Binatang say kuruk lom kategori rentan lom Red List International Union for Conservation of Nature (IUCN) sinji dacok hurik di kelanggaran 200 togok 300 mdpl, pulan labung, guyun, jengan bubatuwan, togok uncukni gunung. Di pulan lindungan Batu Tegi tenggalan, spésiyés sinji dacok ditunggay di kelanggaran 1400 togok 1700 mdpl di ékosistim pulan say bupégétasi rapot rik pulan primér.

Hanuwang busetatus tilindungi dilom PP No.7 Tahun 1999 rik PerménLHK 106/2018. Jenis binatang sinji munih kuruk dilom Appéndiks I CITES say nandako bahwa spésiyés sinji mak dacok tiperdagangko di jenganan internasiyonal.

Pranala luwah

• SUMATRAN SEROW Capricornis sumatraensis sumatraensis (Bechstein, 1799) Tiarsipko 2007-10-10 di Wayback Machine.
• Peraturan Pemerintah (PP) No. 7 Tahun 1999 tentang Pengawetan Jenis Tumbuhan Dan Satwa Tiaksés 2024.
• Appendice I, II, and III. CITES. Tiaksés 2024.