Wp/ljp/Halupan
Halupan (Scolopendra) yakdolah kelompok binatang arthropoda lom ordo Chilopoda say tikenal ulih badanni kejung rik ngedok lamon cukut. Halupan ngemik badan busekat-sekat, jama inggal sekat badan biyasani wat sepasang cukut. Ukoranni bupariyasi tergantung spésiyésni, wat pepira spésiyés dapok jadi sekejung togok 30 cm lebih. Badanni tiyan tenggalan wat hulu, badan busekat-sekat, rik gundang say tajom.
Kanikan rik pola mengan
[edit | edit source]Halupan yakdolah prédator karnivora say aktip ngalaw mangsa makay racun. Tiyan nganik bumacom-macom binatang lunik gegoh serangga, gelong, kilang, riya munih mamaliya gegoh tikus pun tikanikni. Halupan ngemik taring di bangukni guway nyuntikko racun mit lom badan mangsani, say buguna guway ngelumpuhko rik ngegampangko tiyan nganik.
racun rik dampakni jama jelma
[edit | edit source]Najin halupan dapok matuk jelma, racunni tiyan biyasani nyani rasa sakik, bayoh, rik iritasi biyasa di bekas kerohanni. Kidang, kik jelma ngemik alérgi atawa wat penyakik titantu, racunni halupan dapok nimbulko réyaksi say parah, najin patukanni umumni mak bubahaya atawa ngancam hurikni jelma.