Wp/ljp/Guway halaman ampay
Perinsip umum
[edit | edit source]- Tisaranko guway kuruk log semangkung kuti rumpok mulay ngedandan.
- Tisaranko nihan guway ngemula halaman jak pranala say radu wat. (wat say gelarni "pranala hantu (ghost links)" atawa "pranala suluh (red links)" -- pranala say radu tiguway pada tulisan, kidang mangkung wat artikel say ngejelasko. Liyak keterangan lebih munih di bah.
- Harop tiingokko guway nyajiko kuntéks, iyulah nulisko pengantak buttak di mamula artikel. Dang nulis "Sinji nupel ketelu jak..." -- sementara di Kuti rumpok halok radu nutuki pranala jak nupelis ténar X, pembaca barih halok ratong mit halaman sinji jak halaman barih.
- Pelajari kunpénsi penggelaran Wikipédiya semangkung ngegelari salah say halaman ampay. Penggelaran say temon ngejamin halaman Kuti rummpok bakal dikayitko jama halaman say buhubungan, rik nulung ngehindari perubahan gelar di masa meratong.
- Mulaylah jama kalimat sempurna (genok), rik layin gegoh depinisi di kamus. Tonjolko kalimat atawa kata say ngenjadi gelar artikel di mamula artikel (umumni di kalimat mula).
Cara-Cara ngeguway halaman ampay
[edit | edit source]Ngemula halaman ampay jak pranala say radu wat, seradu nyanini, atawa seradu nyepok'i.
[edit | edit source]Guway nyani halaman ampay, Kuti rumpok dacok makay pranala say radu wat di salah say halaman.
Pranala-pranala daloman say nuju halaman-halaman say mangkung wat biyasani tiguway di lom proses persiyapan halaman, rik/atawa guway ngedorong jamma barih guway ngemulani. Pranala-pranala sinji biyasani buwarna suluh.
Micitko pranala gegoh sinji bakal ngusung Kuti rumpok mit mode ngedandani halaman ampay.
Semangkung micitko pranala ngedandan, putusko apiya kuti rumpok haga ngeni halaman ampay sina gelar artikel. Kik mawat, dandan pay pranala say wat di halaman say ngerujukni.
Kuti rumpok tantu gawoh dacok nyani pranala nenggalan, di halaman say busangkutan atawa di halaman indéks. Najin Kuti rumpok bacak nyani pranala seradu bérés nulis halaman ampay, hususni kik pranala sina haga ngegantiko salah say pranala say nuju mit halaman say radu wat. Di lom situwasi gegoh sinji, Kuti rumpok dacok nyani pranala kidang dang micit ''Sepon halaman" kidang makay "Liyak pratayang" pay (maray dacok mastiko bahwa pranala sina dacok tipakay).
Musti tiperhatiko munih bahwa pranala-pranala pada halaman say busangkutan nyani napigasi antara halaman jadi lebih bangik, rik munih nyani jamma panday bahwa watni halaman ampay sina.
Ngemula halaman ampay anjak URL
[edit | edit source]Kik Kuti rumpok ngetikko URL (jenganan internét) Wikipédiya say mangkung ngedok isi/inpormasi, Kuti rumpok bakal ngehalu salah say halaman say nampilko lohot gegoh sinji.
Kuti rumpok dacok ngendandani halaman sina jama micitko ''dandan'' di bagiyan unggak halaman.
Cara say bangik guway nyani URL ampay iyulah jama ngedandani bagian arir URL guway artikel barih di lom proyék say gegoh.
Misalni:
[edit | edit source]Kuti rumpok makay URL halaman Lampung say bujenganan:
https://incubator.wikimedia.org/wiki/Wp/ljp/Lampung
Liyu kik Kuti rumpok ngemula halaman ampay jama gelar artikel "Halaman Ampay" ganti bagiyan belakangni jama:
Ngeguway pranala mit halaman barih
[edit | edit source]Kala Kuti rumpok ngedandani salah say artikel, kik wat suwatu kata atawa prasa ngejelasko bahwa perlu wat artikel nenggalan guway ngejelaskoni lebih laju, keni gawoh ruwa kurung siku di sisi-sisini, [[gegoh sinji]]. ram sebut gawoh sebagay pe-"wiki"-an tulisan. Seradu Kuti rumpok nyeponko artikel jinna, maka kata jinna secara maklumteduh bakal dikawikko jama artikel barih say radu wat, atawa bakal jadi say kawik buwarna suluh gegoh say tijelasko di unggak, iyulah ngemungkinko penambahan artikel ampay. Demikiyanlah cara jitu guway nulis artikel.
Ngemula halaman say ampay nihan
[edit | edit source]Kik Kuti rumpok haga ngeguway say halaman say ampay nihan, wat helawni nyepokni mena makay kutak "Sepok" (liyak bagian kiri halaman sinji misalni) rik liyak apiya mangkung ngedok nihan jamma barih say radu nyani jama topik sina atawapun say gegoh.
Sepoklah halaman say sejenis, lajuni Kuti rumpok mak perlu nyani say ampay, atawa halok munih Kuti rumpok cukup nyani penraguk (redirection) mit éntri say radu wat jinna. Cuttuhni kik Kuti rumpok haga nulis éntri Soekarno atawa Sukarno, bang kirani radu wat éntri Soekarno gegoh jama say Kuti rumpok maksud, tubas mak perlu nyani say ampay, cukup masang halaman pengawik (redirection page).
Kirani mangkung wat sapa pun say nyani halaman jama subyek say Kuti rumpok maksud, payulah sepok topik-topik say rélépan (seringkali kategori umum, gegoh Pendidikan, atawa Olahraga), dandan halaman sina, liyu (di rang say sesuway) tambahko gelar artikel say Kuti rumpok haga sani jama cara ngebatokko ruwa pasang kurung siku, [[gegoh sinji]]. Liyu picitko tombol "Sepon halaman" di bah halaman. Di halaman say ampay gawoh Kuti rumpok dandan bakal keliayakan pranala buwarna suluh say dacok dipicitko atawa dacok munih luwak tanda tanya (bugantung jak préperénsi say Kuti rumpok pasang); picitko di rang sina rik mulaylah ngerjako halaman sina! Kebiyasaan say helaw sinji bakal ngejaga énsiklopédiya tetop tersetruktur rik rapih.
Saran penulisan Bahasa Lampungni
[edit | edit source]Ulih sinji iyulah Wikipédiya Bahasa Lampung pesisir, tantu gawoh sunyinni artikel musti bubahasa Lampung Pesisir (Dialék A) rik mak dacok campor-campor, kecuwali kik kata sina mangkung ngedok di Bahasa Lampung. Sunyinni kata serapan anjak bahasa barih musti di-"Lampung"-ko kenyin selapahan jama atoran Bahasa Lampung pesisir. Cuntuhni hurup gegoh "v, f, z, x, q" musti tiganti jama hurup barih say akor. Liyuni, sunyinni pelapalan /kh/ rik /gh/ tantu gawoh musti titulis jama /r/ kenyin kunsistén. Ulih Bahasa Lampung ngedok ruwa macam hurup e, musti tibidako jama /e/ gegoh di kata "pedom" rik /é/ gegoh di kata "gelér". Diptong /ia/ say tihalu ditengah kata perlu titambahko /y/ ditengahni, cuntuhni "Wikipedia" jadi "Wikipédiya". Berlaku munih jama /oa/ -> /owa/, /ua/ -> /uwa/, /ao/ -> /awo/, /ay/ -> /ayi/, rik layin-layin.
Ulih Bahasa Lampung mangkung ngedok bahasa bakuni, saran-saran sinji mak musti titutukko secara mutlak, kidang hunjak helawni kik tipakay kenyin kunsistén.
Guway Halaman Ampay
[edit | edit source]Inggal pemakay say terdaptar dacok nyani halaman ampay di Wikipédiya! Ketiklah gelar artikel say haga Kuti rumpok tulis di kutak di bah sinji, picitko "Guway Artikel", rik mulaylah nulis.
Tombol sina bakal ngusung Kuti rumpok mit halaman ngedandan guway ngurukko tulisan. Kik gelar artikel say Kuti rumpok kurukko mangkung ngedok, lajuni Kuti rumpok bakal ngedandan halaman ampay. Sebalikni, kik radu wat artikel jama gelar sina, isi artikel bakal ditampilkko rik Kuti rummpok dacok ngedandan halaman sina.
Wat helawni guway ngebaca prinsip-prinsip umum say bulaku di Wikipédiya semangkung Kuti rumpok mulay nulis. Baca munih petunjuk ngedandan suwatu halaman guway pelajari markah (markup) wiki sayi dacok Kuti rumpok pakay lom kutak dandanan.