Wp/lfn/Cuba

From Wikimedia Incubator
< Wp‎ | lfnWp > lfn > Cuba
Jump to: navigation, search
República de Cuba
Flag of Cuba.svg Coat of arms of Cuba.svg
Imno: La Bayamesa
Cuba on the globe (Americas centered).svg

Cuba es un pais en la Mar Caribe. La pais es formida par la isola grande Cuba, la Isola de Jovenia, e multe isolas peti. La capital es Havana e la site plu grande es Santiago de Cuba. La lingua major es espaniol.

La area es sirca 110 860 cilometres cuadrida e la cuantia de abitores, en la anio 2007, ia es sirca 11 394 043 persones.

En 1492, Colombo ia ariva a la isola, cual deveni teritorio espaniol asta la gera espaniol-american de 1898. A pos la gera, lo ia deveni parte de SUA. Lo ia gania nondepende en 1902.

En 1959, Fidel Castro e Che Guevara ia suverti la tirano Fulgencio Batista en la "Revolui Cuban". Fidel Castro ia comensa relatas con la Uni Soviet e ia declara sua governa "sosialiste". SUA ia atenta suverti la governa sosialiste e invade la isola ma ia fali. La Partito Comuniste de Cuba ia es formida en 1965 e de cuando ia governa la isola. Oji, Cuba es la sola pais sosialiste estra Asia.

Jeografia[edit]

Cuba es un arcipelago de isolas locada en la Mar Caribe norde en la conflue de la Mar Atlantica con la golfo de Mexico e la Mar Atlantica. Lo es locada entre la latitudes 19° e 24°N e lonjitudes 74° e 85°U. SUA es 150 cilometres tra la Streta Florida a norde e norde-ueste e Bahamas es 21 cilometres a norde. Mexico es 210 cilometres tra la Canal de Yucatan a ueste.

Divides manejal[edit]

La pais es divideda en 15 provinses e un munisipa spesial (Isola de Jovenia). Estas ia es ante ses provinses istorial: Pinar del Río, Habana, Matanzas, Las Villas, Camagüey e Oriente. La divide corente es simil a acel de la provinses militar espaniol en la gera de nondepende cuban cuando la plu parte de la areas turbante ia es divideda. La provinses es divideda en munisipas.

Provinses de Cuba
  1. Pinar del Río
  2. Artemisa
  3. Havana
  4. Mayabeque
  5. Matanzas
  6. Cienfuegos
  7. Villa Clara
  8. Sancti Spíritus
  1. Ciego de Ávila
  2. Camagüey
  3. Las Tunas
  4. Granma
  5. Holguín
  6. Santiago de Cuba
  7. Guantánamo
  8. Isla de la Juventud

Linguas[edit]

La lingua ofisial es espaniol e la majoria de cubanes parla lo. La dialeto es la espaniol cuban, cual es un forma de espaniol caribe. Otra linguas parlada es creol aitian, galego e corsu.


Antilies model
Paises autonom Aiti | Antigua e Barbuda | Bahamas | Barbados | Cuba | Dominica | Grenada | Guadelupe | Jamaica | Martinic | Porto Rica | San Kitts e Nevis | San Lusia | Trinidad e Tobago
Dependes Anguila | Antiles Nederlandes | Aruba | Bermuda | Isola Navasa | Isolas Caiman | Isolas Virjin | Montserat | Turcs e Caicos