Wp/lfn/Acile

From Wikimedia Incubator
< Wp‎ | lfnWp > lfn > Acile
Jump to: navigation, search
Wp/lfn/Acile
Wilhelm Wandschneider - Achilles (Modell).jpg

Informa personal

Pais: Ftia

Otra informas

Profesa: Re de la mirmidones

En la mitolojia elinica, Acile (Ἀχιλλεύς en elinica antica) ia es un eroe de la Gera de Troia e ance un de la carateres xef de la Iliada de Homero.

En la Gera de Troia, el es conoseda per mata Hector estra la portones de Troia. An si la morte de Acile no apare en la Iliada, otra fontes acorda ce el ia es matada sirca la fini de la gera par Paris, ci ia xuta un flexa a la talon.

Acile ia es onorada como un eroe, e regardada como un dio en la mundo elinica. Bon, corajosa, campion de un moralia orgulosa de la onora, el incarne "la ideal moral de la cavalor homeral perfeta".

Etimolojia[edit]

La etimolojia de sua nom es nonconoseda. La demanda ia apare ja en la Anticia: Pseudo-Apolodoro esplica ce sua nom sinifia "que no ave labios" (de α- e de χεῖλος / kheĩlos, « labio») "car el ia prosimi nunca sua labios a un seno". An tal, esta etimolojia popular no ave fontes.

Biografia[edit]

Nase[edit]

Peleo (sinistra) traente la Acile joven (sentro) a la sentauro Ciron (destra). Museo nasional arceolojial de Atina.

Acile ia nase en Larisa. Un de la fatos la plu importante de sua vive es la desira de sua madre, Tetis, de fa ce el deveni nonferable. A pos, la racontas diverje. Seguente un tradision antica, Tetis ia loca tota sua enfantes en un caldera de acua calda per descovre esce los es mortal; Peleo ia para el ante cuando el ia pote fa esta a Acile. Seguente otras, el ia frota los con ambrosia e ia pone los en la foco per consuma la parte nonmortal de la enfantes.

Final, la varia la plu conoseda es lo cual nara como Tetis ia porta sua fio a Stix, la rio de enferno, teninte el par la talon. Tal Acile ia deveni nonmortal estra la talon do sua madre ia teni el. Esta ia es la orijina de la espresa "talon de Acile", cual sinifia "loca debil". An tal, la Iliada no nara esta tradisiones liada a la nase de Acile, e no cosa en la epica permete afirma ce el no sensa la colpas.

En la Segue de Homero par Quinto de Smirna, el ia es ferida par Memnon, un prinse itiopian. En ajunta, Acile no es la sola eroe elinica con reputa de nonferablia: la tradisiones tarda dona esta vantaje ance a Ajax la Grande.

Instrui[edit]

La tradision dominante nara ce Acile ia es traeda par sua padre a la sentauro Ciron, ci ia abita en la Monte Pelion en Tesalia. Ala, el ia aprende medica[1], la usa de armas, la monta de cavalo e la xasa, como ance la musica. La leteratur no rejistra un capasia spesial de la joven, estra sua capasia en la xasa.

La Iliada dise poca sur Ciron, e parla plu sur Fenix, ci ia ensenia a la joven xico la arte de la bonparla[2] e la usa de armas. En un sena en la canta 9, la om vea recorda ave la eroe sur sua jenos, taliante sua carne e aidante el a bevi la vino[3]. A fini, a un otra parte en la poesia, Tetis ia reclama ce el mesma ia eleva sua fio[4].

La asembla militar en Aulis[edit]

Achilles by Lycomedes Louvre Ma2120.jpg

La avenis de la Gera de Troia cual presede los de la Iliada es multe confusante. En la Iliada, Acile es direta enviada par Peleo, con Patroclo e la mirmidones, cuando la xefes acean asembla en Aulis.

La viaja du a Troia[edit]

Cuando la armada elinica ia prepara per vade a Troia, la coleria de Artemis contra Agamenon ia bloci la flotila en Aulis. Un oraculo ia desveli ce los debe sacrifia Ifigenia, la fia de esta ultima; la xefes ia atrae la fem a Aulis par un promete de un sposi con Acile.

La flotila ia parti no longa a pos e ia para a la isola de Tenedos do un banceta ia es organizada. Acile, tarda invitada, ia coleri. On conose un otra ves en cual Acile ia coleri en un come: en la Odisea, la barde Demodoco ia proposa a la corte de Alcinoo ce el canta la disputa entre Acile e Odieseo, un disputa cual un oraculo de Apolo ia descrive como la presedor de la cade de Troia. Un refere par Plutarco a un obra perdeda de Sofocle dise ance ce Odiseo ia rie, en un banceta, sur la coleria de Acile: el ia acusa esta de teme cuando el ia vide Troia e Hector, e de xerca un escusa per fuji. Lo no es fasil determinable esce esta es un sola episodio o du colerias diferente.

Un aveni du ia aveni en Tenedos: la isola ia es governada par Tenes, fio de Apolo, ci ia repulsa la aceanes. Acile ia mata el, an pos la recomenda par sua madre de no mata el, par causa de la risca de es matada par Apolo. Plutarco nara ce Tetis ia comanda un servor a fa ce Acile recorda la averti; Acile ia permane ala asta cuando el ia encontra la sore de Tenes e ia deveni enamada par el. Tenes ia interpone se per proteje sua sore, e Acile, oblidante la averti, ia mata el.

Anios prima de la gera[edit]

Cuando la flotila elinica ia ariva a Troia, Acile ia debe luta contra Cicno, fio de Posedon, ci ia impedi los de desembarca. El ia es albino e nonferable. A fini, Acile ia mata el par strangula el con la banda de mento de sua elmo.

Cuando la elinicas ia instala sua campa sur la plaia ante Troia, un ambasada acean ia vade per reclama Helena. Acile ia desira vide la fem. La Cipria indica sola ce la reuni ia es preparada par Afrodita e Tetis, sin plu detalia. An tal, un varia eliniste evoca la predise de Casandra seguente cual Helena va ave sinco sposos — Teseo, Menelao, Paris, Deifobo e Acile. Lo no refere a la rena de Acile pos sua mori en la Campos Elisian, car la mesma fonte presenta Medea como sua sposa pos sua mori. On pote conclui ce la reuni entre Acile e Helena ia fini con sua uni.

Cuando la troianes ia debe resta a interna de la murones, Acile ia atenta supresa la furnis a la site. El ia ataca con sua barcos des-un sites de Anatolia, aliadas de Troia. En Lirneso, un de esta sites, en la anio des de la aseja, el ia reseta Briseis, contra ce Agamemnon reseta Criseis en la saca de Tebas.

La coleria de Acile[edit]

Esta es la momento en cual la nara de la Iliada comensa. Un pesta ataca la campa acean[5] e Calcas, corajida per Acile, revela ce Apolo ia puni Agamemnon per refusa dona la fia Criseis a sua padre, la prete Crise[6]. Obligada a sede, Agamemnon reclama furiosa un otra parte de onora. Agamemnon, per vergonia Acile, deside prende Briseis, sua caturada[7]. Colerida, Acile deside retira se a sua tenda e jura par la setro de Agamemnon, donada de Zeus, ce el no va reveni a la luta[8]. El suplica sua madre a solisita de Zeus un vantaje a la troianes per la tempo de sua asentia de la campo de batalia[9]. Zeus aseta. Tal es la comensa de la Iliada:

Diva, canta la coleria destruinte de Acile, fio de Peleo, cual ia trae un multia de angusas a la aceanes, ia envia a Hade multe spiritos forte de eroes, e ia fa de los la preda de tota canes e vultures. La vole de Zeus ia es realida de cuando la disputa dividente ia comensa entre la fio de Atreo, re de omes, e Acile la grande.

Privada de sua suporta, la elinicas sufri defeta pos defeta, e entretempo la elinicas debe revade a la barcos, cual la troianes menasa con arde. La saja Nestor, Fenix e Ulise veni como ambasadores per defende la causa acean. Acile resta firma, ma Patroclo, emosiada par la mal fortuna de sua cameradas, oteni la autoria de Acile per salva la elinicas par porta sua armas.

La manobra susede, ma Patroclo, an con la promete fada a Acile, luta contra Hector, ci mata el e prende la armas de Acile como benes furada. Furiosa e desonorada – enganada par Patroclo, ci mori, simbolin vinseda par Hector – Acile deside venja se, an pos la avertis de sua madre: si el luta contra Hector, el va mori pronto. Hefesto ia forja armas nova con cual el pote xerca Hector.

Acile tirante la corpo de Hector pos sua caro, peten de oso trovada en Oria, dui du de la sentenio 1 aec, museo arceolojial nasional de Taranto.

Con sua armur divin, el vade a la luta e mata multe troianes, tal ce la acuas de la Rio Scamandro es plen de corpos mor. Ofendeda, el atenta afoca Acile, ci es salvada par Hefesto. A pos, el encontra Hector, defia el, e mata el con la aida de Atena.

Acile usa sua caro de gera per tira la restas de Hector a tre veses sirca la site, ante porta el a la campo acean.

Reveninte a sua tenda, la eroe plora sur la mori de sua ami. En la momento de arde la restas, el corti sua capeles como sinia de lamenta e sacrifia cuatro cavalos, nove canes e des-du jovenes troian, ponente sua corpos sur un pira. A la dia seguente, el tira la restas de la corpo de Hector sirca la tomba de Patroclo.

An tal, el mostra sua umania par permete ce la re Priamo, ci veni suplicante a sua tenda, porta la corpo de sua fio per dona un funera diniosa a el. En esta modo el obedi sua madre, ci es enviada par la dios desplaseda par la trata donada a la restas de la eroe.

Acile mata plu gerores ca cualcun otra en la Iliada (72), e es locada ante Patroclo (54), Teucro fio de Telamon (30), Ajax fio de Telamon (28), Leito (20), Diomede (18), Agamemnon (16), Ajax fio de Oileo (14), Idomeneo (13), e Ulise (12) o an Menelao.

Pentesilea e Memnon[edit]

Combate de Acile e Pentesilea. Museo nasional arceolojial de Madrid.

La Etiopida, un de la epicas de la Sicle Troian, reprende la raconta de la gera de Troia do la Iliada ia para. Lo raconta como, pos la mori de Hector, la site de Priamo vide la ariva de la nova campiones. La prima es la amazona Pentesilea, fia de Ares. Acile luta contra el e deveni enamada par el a sua momento de mata el, cual provoca burlas par Tersite. Fatigada, la eroe mata el e debe puri se sur la isola Lesbos.

Poca a pos, Memnon ariva, la fio de Eos (Aurora) e de Titon, e la prinse de la itiopianes. El luta contra Acile e mori.

Mort[edit]

Pos sua mori[edit]

Homero, en la Odisea, representa Acile como renante sur la Prados Asfodel en la enferno elinica, ma poca sasiada per sua state de ombra.

En la Itiopida, Tetis representa Acile pos sua mori como vivente la vive ideal de la geror, sur la Isola Blanca, entre gerores sin nom e bancetas eterna, sposida con Medea, Helene, Ifigenia o Polixena. Pindaro, en sua Nemeanes, evoca un isola "briliante" locada en la Mar Negra. Euripide continua esta varia en sua Andromace.

Culto eroin de Acile en Elas antica[edit]

Acile ia es parte de un culto eroin en multe rejiones de la Mediteraneo.

Acile en la arte en Elas antica[edit]

Acile en la epicas homeral[edit]

En la epicas homeral, la Iliada e la Odisea, Acile ocupa un loca importante. El es la eroe xef de la Iliada, cual presenta sua coleria contra Agamemnon como sua tema sentral e fini con sua luta contra la troian Hector.

La eliniste american Gregory Nagy opina ce la epica homeral es intera construida sirca un tema sentral, creada no par un sola poesiste ma par un tradision longa de poesia. En sua libro "La plu bon de la aceanes — la fabrica de eroes en la poesia elinica anticin, el mostra ce la tema de la Iliada es la eselentia de Acile, ci es "la plu bon de la aceanes" (aristos Akhaiôn). Tra tota la epica, Acile debe defende o reafirma esta prestijia, pd en sua disputa con Agamemnon o contra Odiseo en la canta 8 o Eneas en la canta 13.

Achille dans les autres épopées grecques[edit]

L’Éphéméride de la guerre de Troie[edit]

Dans la poésie hors épopée[edit]

Dans le théâtre grec[edit]

Achille dans la philosophie grecque[edit]

Dans la céramique grecque[edit]

Achille dans les arts de la Rome antique[edit]

Dans la littérature romaine[edit]

Dans les arts figurés romains[edit]

Usa political de la refere a Acile[edit]

Sin considera sua culto, Acile es presentada a la elinica como un carater eroin model. Tal Alexandro la grande compara se a el, regretente ce el no ia trova un Homero per canta sua propre atas. En compania de sua amico Hefestion, el sacrifia sur la tomba de Acile e de Patroclo.

Achille dans les arts après l'Antiquité[edit]

Littérature[edit]

Musique[edit]

Peinture[edit]

Cinéma et télévision[edit]

Architecture[edit]

Références à Achille dans les sciences[edit]

Referes[edit]

  1. Iliada (4, 217-219 e 9, 830-832).
  2. Iliada (9, 438-442).
  3. Iliada (9, 485-491).
  4. Iliada (18, 56-59 = 436-440)
  5. Iliada (1, 43-54).
  6. Iliada (1, 92-100).
  7. Iliada (1, 130-139).
  8. Iliada (1, 223-246).
  9. Iliada (I, 350-412).