Wp/kus/Ghana School of Law (GSL)

From Wikimedia Incubator
< Wp‎ | kus
Wp > kus > Ghana School of Law (GSL)
Ghana School of Law
law school
Inception1958 Dɛmisim gbɛlima
CountryGhana Dɛmisim gbɛlima
Member ofAfrican Library and Information Associations and Institutions Dɛmisim gbɛlima
Headquarters locationAccra Dɛmisim gbɛlima
Official website URLhttps://www.gslaw.edu.gh/index.php Dɛmisim gbɛlima

Ghana School of Law (GSL)[1] anɛ gbaʋŋ zamisʋg zin’ig Ghana kpɛla pa’an banɛ bɔɔd ye ba lieb Lɔyanam. Sakur kan ma’aa nar ye di pa’al nidib ka ba maal Professional Law Course (PLC) program nɛ Post-Call Law Course.[2]

PLC bɛnɛ tis banɛ naae sakur ka mɔr LLB degree kasɛta gbana ka nyaŋi di ya’an tɛɛskanɛ ka ba sɔbid ka kpɛn’ɛd sakurin la. Post-Call Law Course mɛ bɛnɛ tis Ghana dim nɛ banɛ ka’ Ghanadima ka di ya’an common law jurisdictions ni dinɛ kae Ghana, ka lɛɛ tʋm wada tʋʋma nwɛnɛ Ghana. Sɔ’ ya’a naae zamisbama, o daana mɔr suori na tʋm lɔyanam tʋʋma Ghana.[3] Ghana School of Law da nam pʋ sin’iŋ yʋʋm tusir, kɔbiswai nɛ pisnu nɛ nii la (1958),lɔyanam banɛ bɛ Ghana wʋsa da kennɛ na’asaateŋi zamisid, saŋa bɛdigʋ bɛɛ wʋsa ba ɛɛnti bɛnɛ Inns of Court bɛ England.[4]

Dɔlisid dinɛ ka sɔ’ wʋsa mi’i, lɔyanam wʋsa banɛ keŋ lɔyanam sakur Ghana paasnɛ Ghana Bar Association.[5]

Ghana School of Law Labakʋda[edit | edit source]

Ghana da paam asʋ’o-m-mɛŋ yʋʋm tusir kɔbiswai nɛ pisnu nɛ yɔpɔi la (1957) nya’aŋ, ba da sɔns legal education yɛla, din nya’aŋ ka legal practitioner's Act, of 1958 da maal ka din nyɔɔd da an General Legal Council. Ba da tis Council la suor ye di gɔsid legal education yɛla Ghana. Onɛ da an yiiga African Chief Justice tis Ghana Sir Kobina Arku Korsah, da gaŋ Professor J.H. A Lang ye o an yiiga Director of Legal Education ye di gɔs Legal Education yɛla ka lɛn gɔs bʋmbanɛ ka ba na pa’al.[6] Ghana School of Law sakur la mɛŋ bɛnɛ Makola bɛ Accra la.[7] Ba da lɛm pin’il sakur la lʋga kɔn’ɔb kɔn’ɔb sakuyanamin nwɛnɛ Kwame Nkrumah University of Science and Technology bɛ Kumasi,[8] GIMPA kpi’e nɛ Legon.[9] Ka nananna ka ba paas yinne UPSA. Her Ladyship Mrs Justice Georgina Theodora Woode, onɛ da an Chief Justice tis Republic of Ghana la da zuŋ Kumasi campus GSL la yʋʋm tusa ayi nɛ piiga nwadis piinɛ yinne la ni (November 2010).

Gbanvɛɛnsa[edit | edit source]

  1. https://en.wikipedia.org/wiki/Ghana_School_of_Law#cite_note-6
  2. https://gslaw.edu.gh/programmes/
  3. https://web.archive.org/web/20120403001803/http://www.gslaw.edu.gh/page.php?page=102&section=25&typ=1&subs=
  4. https://web.archive.org/web/20111003224756/http://ghanabar.org/about-us/training-ghanaian-lawyers.html
  5. http://whichlawyer.practicallaw.com/which/ethicsPracticalitiesInJurisdiction.do?docId=:28090387&jurisdictionId=:22305
  6. https://en.wikipedia.org/wiki/Ghana_School_of_Law#cite_note-6
  7. http://www.gbcghana.com/index.php?id=1.168859
  8. http://www.modernghana.com/news/242042/1/government-plans-second-school-of-law.html
  9. https://web.archive.org/web/20150924022219/http://www.gimpa.edu.gh/index.php/academics/the-schools/faculty-of-law/welcome/126-faculty-of-law/news/250-ghana-law-school-campus-opens-at-gimpa-as-greenhill-legon-campus.html