Wp/kum/Ватансюймеслик
Ватансюймеслик, Антипатриотизм — идеологиялыкъ агъым, ватансюювчюлюкню танкъытлавгъа къурулгъан. Анархистни энциклопедиясы гёре, ватансюймеслик ватансюювчюлюкню оьктемлик этеген заманларына акъылны ва гьислени жавабы (реакциясы) болгъан. Ол индивидуализмге, бютюн инсанлагъа сюювге, бир инсангъа сюювге яда гьатта ят элни къанунларына ва адатларына себепли яда гьисли артыкъ гёрювге азмы-кёпмю англы таянывгъа байлавлулукъда тюрлю-тюрлю кеплени алмагъа бола. Стачинскийни «Политграмота» деген ишине гёре, ватансюювчюлюк — ол буржуаны оьзюню элине сюювю, ишчилени Ватаны ёкъ, буржуа ватансюювчюлюгюне къаршылыкъда биз ишчилени халкъара бирлешивюн салмагъа герекбиз. Ватансюймеслик гьаман да антимилитаризмден гелип чыкъмай. Мисал учун, француз антимилитарист Жан Жорес тутрукълу ватансюювчю болгъан, ону социалист гьаракатындагъы ёлдашлары, Германиядан замандашлары Карл Либкнехт ва Роза Люксембург буса — шолай къызыв ватансюймеслер болгъан.