Wp/krl/Priäšä

Priäšän poselenije Priäšän piirin kartalla.

Priäšä on kaupunkimaini pos'olkka Priäšän kanšallisešša piirissä Karjalan tašavallašša Venäjällä Kuolan valtatien (M18) varrella. Priäšä on piirin keškuškaupunki. Pos'olkan kautti kulkou Murmansk-Piiteri-valtatie ta Petroskoi-Värččilä-tie. Jälkimmäini on oša kanšojenvälistä Šinisen tien matkustajareittiä Norjašta Ruočin ta Šuomen kautti Venäjän Karjalah.

Kaupunkimaini pos'olkka

Priäšä on Priäšän kanšallisen piirin hallintokeškuš ta še on šijauttun noin 55 kilometrin piäššä Petroskoista länteh Aunukšeh viejän tien varrella Priäšänjärven rannalla. Pos'olkašša eli vuuvven 2005 tilaston mukah 4248 henkie. Priäšäššä on poštie, kauppoja, musejo, pieni Priozernaja-hotelli, kulttuuritalo, kahvila ta vuotena 2001 valmistun puukirikkö tai äijän vanhoja karjalaisie taloja.

Priäšän poselenije

Priäžän poseleniješšä oli 9100 eläjyä vuotena 1996. Poselenije rajoittuu pohjasešša Matrossah, ijäššä Iänisenrannan piirih, šuvešša Pyhäjärveh, länšipuolella Nuošjärveh ta Heččulah tai koilispuolella Jessoilah.

Poselenijen ašutuškeškukšet

• Priäšä
• Vanha Manke
• Uuši Manke
• Kintahankylä

Mankkien kyläššä on šäilyn pravoslavnoi časoun'a 1800-luvulta.

Yštävyškunnat Šuomešša

• Juankoski (Šuomi), vuuvvešta 1990
• Tuusniemi (Šuomi), vuuvvešta 1990
• Varpaisjärvi (Šuomi), vuuvvešta 1990

Tapahtumat

Kintahankylän pruasniekka

Kintahankyläššä (Kindasovo) on pijetty vuuvvešta 1985 alkuan nakrun ta vesselän ajan pruasniekkua. Kintahankylä on Karjalan tašavallan oma hölmöläisien kylä ta šiih liittyy moniehie starinoja.

Istorija

Priäšä mainitah istorijallisissa lähtehissä enšimmäistä kertua 1650-luvulla. Venäjän imperijan aikana ta 1920-luvulla še oli oša Pyhäjärven kuntua.