Wp/krl/Mordvalaiset

Mordvalaiset on ulkopuolisien antama yhtehini nimitys kahella Venäjällä eläjällä šuomelais-ugrilaisella kanšalla, ersäläisillä ta mokšalaisilla. Hyö iče kuitenki ei käytetä tätä nimityštä. Näijen kanšojen oma tašavalta Mordovija šijaiččou noin 500 kilometrin piäššä Moskovašta itäh, Volgan alovehella. Šuuri oša ersäläisistä ta mokšalaisista onnakko eläy tämän šeuvun ulkopuolella, mi on lisännyn heijän näpietä venäläistymistä.

Väještönlaškentojen mukah ersäläisien ta mokšalaisien miärä on vähentyn: vuuvven 2021 laškennašša heitä oli yhteheš alle puoli miljonua, mi on läš puolet vähemmin kuin kolme vuosikymmentä takaperin. Arpivojen mukah noin kakši kolmannešta heistä on ersäläisie. Kielen elinvoimasuš on heikentyn, šentäh kun vain noin 220 000 ihmistä paissah enämpyä ersyä tahi mokšua, ta kielen käyttämini rajottuu enimyölleh yksityiselämäh ta kulttuurih. Školašša molompie opaššetah vain vähän, ta vähemmistökielien arvoššuš on Venäjällä vähästä. Ersäläisien ta mokšalaisien yhtehini kanšalliseepossa on Mastorava, Muamuamo.