Wp/krl/Mordovija
Mordovijan tašavalta ili Mordovija on Venäjän federatijoh kuuluja tašavalta. Tašavallan pinta-ala on 26 128 neliökilometriä.
Mordovijašša eläy piäličči 700 tuhatta henkie, kumpasista tašavallan piäkaupunkissa Saranskissa eläy 310 tuhatta. Mordovijan valtijokielet ollah venäjä ta mordva (ersä ta mokša). Mordovijan tašavalta kuuluu Volgan federatijopiirih ta Volgan taloušaloveheh. Mordovijan tašavallašša on 22 piirie ta yksi kaupunkipiiri. Vuotena 2012 tašavallan piämieš oli V. D. Volkov. Halličukšen piämieš on V. F. Suškov vuuvvešta 2012 šuaten. Tašavallan valtijollisen kerähmön piämiehenä on V. V. Čibirkin vuuvvešta 2011 šuaten.
Mordovijan tašavalta peruššettih 10. pakkaiskuuta vuotena 1930. Enšin še oli Mordovijan autonomini aloveh ta vuuvvešta 1934 Mordovijan tašavalta.
Muantieto
[edit | edit source]Mordovijan tašavalta šijoutuu Itä-Europan itäpuolisella tašankolla Moskovan ta Volgan välissä. Mordovijan tašavallalla on yhtehini raja Ala-Novgorodin alovehen kera pohjasešša, Čuvaššijan kera koillisešša, Ul'janovskin alovehen kera ijäššä, Penzan alovehen kera šuvešša ta R'azanin alovehen kera länneššä.
Ilmašto
[edit | edit source]Mordovijan tašavallašša on lauha ilmašto, a kešällä on lämmintä. Pakkaiskuun keškimiäräni lämpötila on yhekšän aštetta pakkasta, heinäkuun keškimiäräni lämpötila kahekšantoista aštetta lämmintä.
Väještö
[edit | edit source]Vuuvven 2010 tietojen mukah Mordovijašša eläy 443737 (53,4%) venäläistä, 333112 (40%) mordvalaista (mokšat ta ersät yheššä) ta 43392 (5,2%) tatarie. Mokšat eletäh Mordovijan tašavallan keški- ta länšipuolella, ersät itäpuolella.
Hallinnollini jako
[edit | edit source]Mordovijan tašavaltah kuuluu 22 piirie ta kolme tašavallan alasta kaupunkie - Saransk, Ruzajevka ta Kovil'kino.
Mordovijan tašavallan piirit:
- Ardatovan piiri
- At’urjevon piiri
- At’aševon piiri
- Suurien Berezn’akoin piiri
- Suuren Ignatovon piiri
- Dub’onkoin piiri
- Jel’nikoin piiri
- Zubovan ahon piiri
- Insaran piiri
- Ičalkovskii piiri
- Kadoškinon piiri
- Kovilkinon piiri
- Kočkurovon piiri
- Krasnoslobodskan piiri
- L’ambir’an piiri
- Ruzajevkan piiri
- Romodanovon piiri
- Vahnan Šaigovon piiri
- Temnikovan piiri
- Ten’guševon piiri
- Torbejevon piiri
- Čamzinkan piiri
| |||||||
