Wp/krl/Loimolan Voima
Loimolan Voima on karjalankielini folk-joukko, kumpani ruatau Šuomešša. Joukko peruššettih vuotena 2019 ta šiih kuulutah karjalaiset Saatsin vellekšet Levoin Miša ta Miikkula. Miša šäveltäy ta Miikkula kirjuttau laulujen šanat. Joukon laulut on kirjutettu šuvikarjalan murtehella. Vellien šuku on rotusin Šuistamošta, ka hyö iče ollah vatraššuttu Lieksašša.[1]
Loimolan Voiman enšimmäini levy "Ruttomužikan kyynäl" piäsi ilmah vuotena 2020. Še valittih Šuomešša vuuvven 2020 kanšanmusiikkilevykši.[2] Toini levy "Mi on praudua" julkaistih vuotena 2022.[3] Joukolla on ollun konserttija Šuomen eri čuppuloissa.