Wp/krl/Leningradin aloveh
Leningradin aloveh on yksi Venäjän hallinnollisista alovehista ili oblasteista. Vuotena 1927 peruššettu Leningradin aloveh šijaiččou Venäjän koilispuolella Itämeren Šuomenlahen tai Luatokan ta Iänisen järvien läheisyöššä; šen pinta-ala on 83 900 km² ta rahvašluku noin 2,06 miljonua, kumpasista 93,73 prosenttie on venäläisie. Alovehella on 17 kunnallispiirie ta yksi kaupunkipiiri ta še rajottuu Karjalan tašavaltah, ta Vologdan, Novgorodin ta Pihkovan alovehih tai Šuomeh ta Viroh.[1] Piiteri šijaiččou muantiijollisešti alovehen šisällä, ka on hallinnollisešti erillini liittovaltijon kaupunki.
Alovehella on levie vesistöverkko, šekameččie ta moniehie luonnonšuojelualovehie. Talouvellisešti Leningradin aloveh on yksi Luoteis-Venäjän kehittyneimpie: tevollisuš tuottau yli kolmašošan alovehen BRT:šta, ta merkittävie aloja ollah mm. konehenrakennuš, auto- ta laivanrakennuš ta himijan-, meččä- ta metallitevollisuš. Šen lisäkši šeuvulla on monipuolini muatalouš.[1]