Wp/krl/Koiranlosa
Koiranlosa (Bryonia alba) on monivuotini, okurččakašvien pereheh kuuluja losamaini heinäkašvi, kumpasen vešat voijah kašvua 2-3 metrie pitkiksi. Šen varši on vetlakka, huarikaš ta karkiekarvaini, ta še kapuaštau usien avulla pitin ympäristyä. Juurikka on kovašti pöhlistyn. Kukat ollah pienet, vain alle senttimetrin leviet ta vihrienkeltaiset, heltta on viisičiippani. Kukinto on lehenkainaloissa känččänä ili šarjana.[1]
Kašvi kukkiu heinäkuušta šyyškuuh ta lopulta kašvattau pyöreitä, pikimuštie marjoja, kumpaset ollah 7-8 millimetrie pitkie ta hyvin myrkyllisie. Koiranlosa kašvau vanhoissa satuloissa, kivišeinien ta aitojen viereššä tai tien viereššä ta kuatopaikoilla, šentäh kun še on šamoin kaunissuškašvi ni vil'l'elykarkulaini. Europašša kašvie on käytetty rohtuna, vaikka koko kašvi on voimakkahašti myrkyllini ta voit noššattua rökköjä jo vain košetukšešta.[1]
Tietehellini lajinimi alba merkiččöy "valkie", onnakko kašvin marjat ollah muštie ta kukat vihrienkeltasie.[1]