Wp/krl/Jaseni
Jaseni (Fraxinus excelsior) on pohjasen muanpuoliskon lehtoloissa kašvaja kallis puu. Šillä on pačašjuuri ta še voi kašvua 15-25 metrie korkiekši, hyväššä paikašša jo yli 30 metrie korkiekšiki. Jaseni viihtyy kalkkimuašša ta šen tuulen pölyttämät, pienet kukat ilmeššytäh jo oraškuušša ennein lehtien kašvuo. Jasenin lehet ollah vaššakkah ta parilehtyölliset ta niissä on tavallisešti 9-15 lehyttä. Muššat, harmuanukkaset počkat erotutah okšien päiššä kolmešša joukošša, ta kevyällä puu tunnetah parahiten mušovista počkista tai yläh päin olijista okšista. Lehet kirvotah vihreinä jo aikaseh šykšyllä.[1]
Jasenin antimet - kaijat, šiivelliset sem'ankat - jiähäh puuh talvekši ta levitäh tuulen mukana šuurilla alovehilla. Puuta pietäh arvošša ta šitä käytetäh esimerkiksi huonehtarpehien ta urheilu- ta šoittovälinehien, niin kuin joušiorusien ta šähkökitarojen, luatimiseh.[1]