Wp/kne/Sagada orange

Nan Sagada orange et esay kalasin di orange ay tumubtubo isnan rehiyon di Pilipinas ay Cordillera. Nan naay ay kalasi et ina-una ay inset di Department of Agriculture ya inmuna ay naipatubo id Kalinga. Gapo tay dake-dake na nu nan tapina et sinmikat id Sagada, Mountain Province ya naamuwan et ay dake-dake ay orange ay kalasin di orange. Nan ukis nan Sagada orange et orange ay nababatekan is green.

Naibabaag ay nan tapin di men-ililako id Baguio, ulay id Divisoria id Manila, et nu dadakkel ay orange ulay nagapo id China et nangadanan da kayet is Sagada orange. Shanan gapo ay inbagan di Baguio Midland Courier ay "Mislabeled of the Year". Nan nagapo id China et nalaklaka ya dadadakkel ya natamtamnay nan nu nagapo id Sagada. Napalpalet na pagka-orange na nan nagapo id Sagada. Dinlaw di Midland Courier nan ikikan di men-ililako ay mang-ibaga ay nagapo id Sagada nan nagapo id China.