Wp/kjp/လင့်အဝ်ထီ့ကျံင်း

From Wikimedia Incubator
< Wp‎ | kjp
Wp > kjp > လင့်အဝ်ထီ့ကျံင်း
English: Full featured double rainbow in Wrangell-St. Elias National Park, Alaska.

ဆ်ုလ်ု လင့်လင်အဝ်ထီ့ကျံင်းယိုဝ် အ်ုလျာႋအှ်ဝေ့ နိုဲ့မိင်ဍေ အ်ုမောဝ်ႋယှာႋအှ်ဝေ့ ၜေ့ခၠီးဆင်ႋ ဖုံ့လးခွင်သိုဝ်ၮှ် လင်တ်ုမျင့် (တၟေင့်-ယှာႋလ်ုဝီႋ) ကိုဝ်ၯာဍေၮှ်လှ်။ လ်ုလင့်အဝ်ထီ့ကျံင်းအ်ုဍံင်သိုဝ် ၮ်ုၯေဝ်ယ်ုၯေဝ် ဟ်ုတါင်ၮေဝ် သှ်ေဝေ့ဍးလှ်။ လူ့လင်ထီ့ လ်ုထိုဲ့သိုင့်ခုံဖိုင်ၯံင် လ်ုထီ့ကၠာၮှ် စူးလင် ယွာယေါဝ်ႋလင်သာၮင်ၜိင်း၊ လင်ၜိုင်လ်ုထီ့ကၠါ လ်ုဖိုဝ်ဖင့်ၮှ်တာႋ ဍိုဝ်ထါင်လ်ုမူႋမေံ အှ်လ်ုခဝ့်ၮှ်ၯံင်၊ ယွာအ်ုလျာႋ ၯယ့်ထင်းက်ုလေဝ်ႋထါင် လ်ုထီ့ကၠာၮှ်အိုဝ် ဍိုဝ်ၮေဝ်ႋထါင် ဍေစာခဝ့်လ်ုၜိင်းၯံင်၊ လ်ုစာခဝ့်ဖိုင်ၮှ် မ်ုၯယ့်ဖၠဟ်ထင်း လင့်လင်အဝ်ထီ့ကျံင်းဝေ့ဍးဆေဝ်ႋလှ်။ ၮင်ႋမိင်ဍဝ်ၮှ် ဍေသီးထုဂ်ကီး (ဆးပျာ့)ထီ့ဍေ ကၠုင်စီလးၜံင်ၮှ်တာႋ အူးထင်းၮေဝ်ႋ ဆ်ုလးဖၠုံးၮှ်ဆေဝ်ႋၯံင်၊ အ်ုဝေ့သီး မ်ုၯယ့်ဖၠဟ်ထင်း လ်ုလင့်လင်အဝ်ထီ့ကျံင်း လ်ုဆ်ုလးပၠုဂ်ဖၠုံးဖိုင်ၮှ်လှ်။

ဖံင်ယှိုဝ်လ်ုၜံင်ၮှ် လ်ုမူႋမေံဆေဝ်ယှဝ်ႋလင်လ်ုခဝ့် လ်ုမုဂ်ခေါဟ်ဖိုဝ်ဖင့် ယှိုဝ်ထင်းစှ်ၜိုဝ်၊ မူႋမေံအ်ုလျာႋဖါန်ဆေဝ်ယှဝ်ႋလင်ၜး ထီ့အ်ုခူးၮှ်လ်ုဖိုင့် မ်ုကဲထင်းဝေ့ လ်ုလင့်လင်အဝ်ထီ့ကျံင်းၮှ် မ်ုဍးၜးဝေ့ဆေဝ်ႋလှ်။ လင့်လင်အဝ်ထီ့ကျံင်း လ်ုမုဂ်ခေါဟ်ဖိုဝ်ဖံင့်ၮှ် မွာဲဆ်ုအ်ုၰာၰံင် လ်ုအ်ုၯူ့ၯာၮှ် မွာဲအေး၊ မွာဲဝေ့ဍး မူႋမေံအ်ုလျာႋဖါန်ၮှ် ဆေဝ်ထေံလင်ၜး ထီ့အ်ုခူးသီးၮှ်တာႋ ထီ့အ်ုခူးၮှ် ဍေမူႋဆေဝ်ႋလင်အ်ုလျာႋဖါန် က်ုလေင့်ထင်းထါင်သီးလ်ုဖး၊ ကဲထင်းဝေ့ဍေ လင့်လင်အဝ်ထီ့ကျံင်းၮှ်ဆေဝ်ႋလှ်။

လင့်လင်အဝ်ထီ့ကျံင်းၮှ် အ်ုလျာႋအှ် နိုဲ့မိင်သီးလ်ုဖး မွာဲဝေ့ဍး -

(၁) အ်ုလျာႋ - ဝဝ်လာ့ယှာႋ
(၂) အ်ုလျာႋ - ယေဝ့်လာ့
(၃) အ်ုလျာႋ - အ်ုလာ့
(၄) အ်ုလျာႋ - အ်ုယေဝ့်
(၅) အ်ုလျာႋ - အ်ုၜင်
(၆) အ်ုလျာႋ - ဝဝ်ယှာႋ (လီမဝ့်)
(၇) အ်ုလျာႋ - အ်ုဝဝ်
သီးလ်ုဖးၮှ်ဆေဝ်ႋလှ်။