Wp/kjp/နာန်တ်ုကဝ်ဖဝ့်ဓဝ်ႋ

From Wikimedia Incubator
< Wp‎ | kjpWp > kjp > နာန်တ်ုကဝ်ဖဝ့်ဓဝ်ႋ
Jump to navigation Jump to search

"'နာန်တ်ုကဝ်ဖဝ့်ဓဝ်ႋ"'ယိုဝ် မွာဲဝေ့ဍး ဓဝ်ႋလ်ုမိင်အေးၯံင် မာန်ကျာ် ဥတ္တမ (ၜုံးက်ုတိက်) ဆူ့ကေဝ်လဴဝယ် ထးဝေ့လှ်။ သက္ကရာဇာ် ၁၃၄၁ - ၮိင်းအ်ုခါ့ဍးအိုဝ် ဆူ့ကေဝ်ထးဝေ့အ်ုခေါဟ်ကျံင် အှ်ထင်းဝေ့လ်ုအ်ုၮိင်း (၃၉)ၮိင်းယာဆေဝ်ႋလှ်။ အ်ုၯံင်ဍဝ် ဍောဟ်လင်ဝယ်ဝေ့ ဍေလိက်တုဂ်စက်သီး လ်ုအှ်ၜးသီးမွာဲဆေဝ်ႋ၊ ဍေလိက်ဓဝ်ႋထူ့ၮှ်သီး ဆူ့ကေဝ်လဴထဝေ့ဍးလ်ုအှ်ၜးသီး မွာဲဆေဝ်ႋ အ်ုခေါဟ်ကျံင် မ်ုပဝ်ႋၜးသာသီး ဟ်ုအင်းၰူ့လ်ုယဝ့်ၜးလှ်။

ဆူ့ကေဝ်လဴထး အ်ုၮိင်းအးယုဂ်သီး ပါလင်ဝေ့ဍး ဆ်ုခၠါင်လင်ၜါ်လင်ၜိုင်သီး အ်ုခေါဟ်ကျံင် ကၠ်ုခင့်ၜးသိုဝ် မာၮာင်းထးဝေ့ ဍေအ်ုၮါင်း လ်ု - ၮီ့ - သီး လ်ုဖးၯံင် ဍုဂ်လင်ဝေ့ လ်ုပၞံင်ဖင့်လးၮှ် ဆေဝ်ႋလှ်။ နာန်တ်ုကဝ်ဖဝ့်ဓဝ် လိက်အုဂ်ဖိုင်ၮှ်ဍဝ် ထံင်ထံင်အင်းၰူ့ပ္ကုံၮေဝ်ႋလ်ုစံင်းၮှ်လှ် ဍုဂ်လင်ဖှ်ေထးၯံင် အှ်ထဝ်ႋထာင်လ်ုစံင်းၮှ်ၯး ဟ်ုဆိုဒ်ဖေါဟ် အဲကုဲပါဍောဟ် ယုဂ်ယာန်းၜး လိက်လာဲသီးလ်ုဖး ကၠေစိုဒ်အင်းၰူ့ ထုဂ်ထင်းထာင်ဝေ့ဍးလှ်။

ပ်ုဆိုဒ်ဖေါဟ်လိက်လာဲ ထံင်ထံင့်ဟ်ုဖံင်းထံင် ဆ်ုဍးစိုဝ်လ်ုဖးၮှ် လ်ုထၠိုင့်ခွိက် အ်ုၮိင်းလ်ုယာၜၠဲ ဍေ အ်ုၮိင်းလ်ုယာဖင့်လး ဆူ့ကေဝ်ပ္တါ်အှ်ဝယ်ထးဝေ့ ဓဝ်ႋလိက်ထူ့လီအ်ုမိင်အ်ုစိင်ၮှ် အှ်ဝေ့ဍး နိုဲႋဆီ့ယာဲမိင်ဆေဝ်ႋလှ်။ လါၮင့်သီးဍေလိက် တုဂ်စက်ၮှ် ဍောဟ်ဖၠဟ်ထင်းၜး အှ်လ်ုပေဝ့်လ်ုခေဝ်ႋ အှ်ယှာခိုဝ်းဍာ်လှ်။ ၜးဆာင့်ဍေ လိက်ထူ့လီသီးလ်ုဖး ၜေ့လ်ုလင်မာၜး၊ ၜေ့လ်ုၯာၯံင် ၯာကျးၜးသိုဝ် မ်ုၜးယေါဝ်ႋခွါႋထါင် မ်ုၜးဖံင်းကိုင်ထးထါင် အ်ုတာလ်ုစံင်းၮှ် မွာဲဝေ့အှ်ထဝ်ထါင်မေံမိုင့်သာဝါဍာ် ဆိုဒ်ဖေါဟ်သီးလ်ုဖးဍေ ၯယ့်ထါင်လ်ုခါင့် ဆိုဒ်ဖေါဟ်ဍီပြီသီးလ်ုဖးအ်ုတာလှ် ၮှ် ဖၠုံထီ့ခါန်ဖေါဟ် မာန်နာဲဝေ (ဍုံလ္ဂင်ႋ) လ်ုနာန်တ်ုကဝ်ဖဝ့်ဓဝ်လိက်အုဂ် ဆ်ုခၠါင်လဝ်ၯိုင့်လ်ုယါ့ဍွယ် လဝ်ဖှ်ေခၠါင်ဖှ်ေဝေ့ထးဆေဝ်ႋလှ်။

ဓဝ်ႋလိက်အုဂ်ၮှ်ဍဝ် လိက်မေံၜၠာ်အှ်ဝေ့ (၂၉၄)ၜၠာ်ၯံင် အ်ုလင်ခါင့်ထုက် လိက်မေံၜၠာ်ၮှ် မာန်နာဲဝေ (ဍုံလ္ဂင်ႋ) ဆ်ုခၠါင်မာလုက်ထိုဲ့ လိက်မေံအှ်ဝေ့ဍးဆေဝ်ႋလှ်။