Wp/kjp/ဍုံခေါဟ်သုမန

From Wikimedia Incubator
< Wp‎ | kjp
Wp > kjp > ဍုံခေါဟ်သုမန

ကရဏ္ဏကရဌ - ခါန်ႋဍောဟ်သုဘိန္နနဂရ နန်ႋထဝ့်အှ်ခါ့ အင်းပိုင်ဆ်ုဃွှာ တိဿသက္ကရာဇာဏှ်၊ ကာလာလ်ုဗုဒ္ဓကျာ်က်ုဆာႋ လ်ုတဝ်ႋဍာ်ၜး အ်ုဏိင်း (၅၀) အ်ုခါ့ဍးအိုဝ် အှ်ဝယ်ဝေ့ဆေဝ်ႋလှ်။ မွာဲအ်ုခါ့ဏှ် လ်ုယေါနကခါန်ႋဍောဟ် (ယွန်းပြည်)လ်ုခဝ့် ၯယ့်ဍုဂ်ဝေ့ ကၠ်ုကၠ်ုဏှ်တာႋ ဃွှာတိဿသက္ကဏှ် ဍုဂ်ဆိုင့်ထါင်ဝေ့ ယွန်းသီးလ်ုဖးဏှ် ထံင်မိင်လ်ု ဒိုးဟနခေါဟ်လံင်ထိုင့် (ဒေါနတောင်တန်း) ခေါဟ်လံင်ဖါသိုင့်အိုဝ်ဆေဝ်ႋလှ်။

ယိက်ထင်းမိင်လာနိုဲ့ၜိင်းလှ်၊ လာနိုဲ့ၜိင်းပါင်ထင်းအ်ုခါ့ ထံင်လင်ႋဍာလ်ုဖးဏှ် ကေခါင့်ၜေ့ယံင်းဆိုဒ်ၯယ့်ဍုဂ်ဆိုင့်လ်ုဏေဝ်ႋၜးသိုဝ်၊ ဆံင်မံင်းဆ်ုကုံးထင်းဝေ့ၯံင်၊ ပ္တံင်ထင်းဍုံဌာန့် ဖ်ုအိုဝ်ထဝ်ႋထါင်ဝေ့ ဍေဖၠုံတါ်ခေါဟ်သုင်းပိုင်သာဍူထုက် ဗျညအိန္န ဏှ်ဆေဝ်ႋလှ်။ ယံင်းဆိုဒ်သီးလ်ုဖး ၜေ့ၯယ့်မာပၠူဝေ့လ်ုဏေဝ်ႋလိုင်ၜးသိုဝ် ဏင့်တီႋခွိက်ဝေ့ၯံင် ပ္တံင်ထင်းဍုံဌာန့် ကိုဝ်ထင်း(ဖၠိုဟ်ထင်း)အ်ုမိင် "ဇွဲယျ"ဍုံဏှ်ဆေဝ်ႋလှ်။ အင်းပိုင်ဆ်ုဃွှာဏှ် မွာဲဝေ့ "စဝ်ဗျညအိန္န​သေနရာဇာ" အ်ုမိင်အှ်ဝေ့ၜေ့ဏှ်သိုဝ်ဆေဝ်ႋလှ်။