Wp/kjp/ဍုဂ်တိုင် အရှင်ခေမိန္ဒ

From Wikimedia Incubator
< Wp‎ | kjp
Wp > kjp > ဍုဂ်တိုင် အရှင်ခေမိန္ဒ

ဒေါက်တာ အရှင်ခေမိန္ဒ(Ashin Khe Minda) လ်ုအိန္ဒိယထီ့ခါန်ႋ နာဂပူဍုံ နာဂပူဘာႋစံင်မံင်ဏှ် ဖၠံင့်ဟှဏေဝ်ဝေ့ Ph.D ဍုဂ်တ်ုထ်ုယဝ်အ်ုဏါင်းဆေဝ်ႋလှ်။

မာန်နာဲကျာ်ခေမိန္ဒဝေ့ အတ္ထုပ္ပတ္တိအ်ုအိင်းဏှ်[edit | edit source]

အ်ှဖၠဲမူႋဏီ[edit | edit source]

မာန်နဲာကျာ်ခေမိန္ဒဏှ် အ်ှဖၠုံထီ့ခါန်ႋ၊ ဍုံထ်ုအင်ကၞင့် အါ်သာ်က်ုလာင့်တ်ုဝါန့်ကံင်း တဝ်ထ်ုမိုင်ႋတ်ုဝါန့် လ်ုအ်ုဖါႋမာန်စဝ်ချစ်ပြန်၊ အ်ုမောဝ်ႋဟှာႋမတီသီးဏှ် ၁၃၄၀ဏိင်း လာထင်းကၠံင်ဃှိုဲ အ်ုစန်မူႋဏီခါ့ အ်ှဖၠဲလင်ဝေ့ဍးဆေဝ်လှ်။

ကဲထင်းတ်ုပိုဲအ်ုခါ့[edit | edit source]

မာန်နာဲကျာ်ခေမိန္ဒဏှ် အ်ုယုက်(၁၂)ဏိင်းခါ့ ဍုံထ်ုအင်က်ုဏင့် တ်ုကဝ်ပ်ုတါင်တ်ုဝါန့် တ်ုကဝ်ပ်ုတါင်ဘာႋသင့်အ္စာဖူ့က်ျာသောမဏ်ှအိုဝ် ပါကဲဥပဇ္စျာယ်ဟှံင် ဍေအ်ုမောဝ်ႋအ်ုဖါႋသီးဝေ့ ပစ္စယာနုဂ္ဂဟဏ်ှကဲထင်းတ်ုပိုဲ နုက်လင်ဝေ့ လ်ုသာသနာ့ဍွယ်ဖိုင်အိုဝ်ဆေဝ်လှ်။

ကဲထင်းနာဲအ်ုခိင်ႋခါ့[edit | edit source]

မာန်နာဲကျာ်ခေမိန္ဒဏှ် အ်ုယုက် (၂၀)ခါ့ ဧရာဝတီဌာန့်ဒေသဖာဍောဟ် ဘာႋမိင်လးတ်ုဝါန့် ဘာႋမိင်လးသင့်အ္စာ ဖူ့ကျာ်ဣန္ဒကဏ်ှအိုဝ် ပါကဲဥဇ္စျာယ်ဟှံင် ဘာႋမိင်လးဘာႋ ခဏ္ဍသိမ့်ဖိုင်အိုဝ်ဏှ် မာန်စဝ်စကော၊ ဟှာႋနန်းစိန်မောဝ်ႋဖေါဟ်လ်ုစုဂ်သီးဝေ့ပစ္စယာနုဂ္ဂဟဏ်ှအိုဝ် တုင်ႋဏေဝ်ႋဟှံင် ၁၃၆၀-ဏိင်း လာဏင့်ယောတ်ထင်း(၁၄)သင့်၊ ကေဟှဝ်(၈)ဏါ့ဍီ(၄၅)မ်ုဏေဝ်းခါ့ ပြေယှံင်ဝေ့လ်ုကဲဂ်ုမီ့သင့်အိုဝ် ထံင်ဟှကဲထင်းဝေ့နာဲဆေဝ်လှ်။

မာလောဟ်ပညာ့အ္စာဆြာ့ဍေဖၠံင့်ဟှပညာ့လ်ုဖး[edit | edit source]

မာန်နာဲကျာ်ခေမိန္ဒဏှ် လ်ုဍုံထ်ုအင်က်ုဏင့် တ်ုကဝ်ပ်ုတါင်တ်ုဝါန့် တ်ုကဝ်ပ်ုတါင်ဘာႋသင့်အ္စာဖူႋကျာ်သောမ ဍုံထ်ုအင်ဓမ္မပီယဘာႋ သင့်အ္စာဖူ့ကျာ်သီလဝံသ ဍုံသ်ုထုံ့ဝိဇ္ဇာဘာဂီဘာႋသင့်အ္စာဖူ့ကျာ်ခေမာစာရသီးအ်ှဏှ် ဗုဒ္ဓလိက်လဲာအ်ုခင်းထာ်လ်ုဖး မာလောဟ်ဘးဝေ့ဟှံင် ၁၃၅၅-ဏိင်းခါ့ လ်ုဍုံထ်ုအင်ဇမ္ဗူမြိုင်ဘာႋဏှ် ခါန်ႋပိုင်ကြိုင်လိက်ခင်းထ်ာအ်ုထဝ့်ဏ်ှအိုဝ်မွဲာအ်ုဟှေဝ် လ်ုဧရာဝတီဌာန့်ဒေသဖါဍောဟ် ဍုံပန်းတနော် မြတောင်ဘာႋမာလောဟ်လိက်တုဂ်ဏှ် အ်ုထဝ်ပေဝ့် အ်ုထဝ်ကၠာ အ်ုထဝ်ဍောဟ်သီးဏ်ှအိုဝ်မွဲာအ်ုဟှေဝ်ဖုံင့်ဟှးဝေ့ဆုက်ဆုက်ဆေဝ်ႋလှ်။

အေဟှံင်ဍဝ် လ်ု၂၀၀၀-ဏိင်းခါ့ ခါန်ႋဍောဟ်ပရ်ိယတ္တိသာသနာ့ဘာႋစံင်မံင်(လ္ဂုင်ႋ)ဏှ် ထင်းမာလောဟ်ပညာ့လီႋဏိင်းဟှံင် သာသနတက္ကသီလဓမ္မာစရိယ(B.A Buddhism) ဏ်ှအိုဝ် ဖၠံင်ဟှးဝေ့ဆေဝ်ႋလှ်။ ၂၀၀၅-ဏိင်းခါ့ သီရိလင်္ကာခါန်ႋ ကိုလံဘိုဍုံဏ်ှအိုဝ်က်ုညာဟှံင် လ်ုကေလနိယဘာႋစံင်မံင်ဏှ် (M.A Buddhist studies) မဟာဝိဇ္ဇာဏ်ှအိုဝ် ထင်းမာလောဟ်ဖၠံင့်ဟှဝေ့ဆေဝ်ႋလှ်။ အေဟှံင်ဍဝ် ၂၀၁၀-ဏိင်းခါ့ လ်ုသါင့်ခါန်ႋဟတ်ယါင်ဍုံ အေန်တာနေယှေန်နယ် ဗုဒ္ဓ ကောလိပ်(IBC)ဏှ် M.A မဟာဝိဇ္ဇာဏ်ှအိုဝ်သီးထင်းမာလောဟ်ဖၠံင့်ဟှဝေ့ဆေဝ်ႋလှ်။

မာန်နာဲကျာ်ခေမိန္ဒဏှ် လ်ုအိန္ဒိယခါန်ႋ မဟာရဋ္ဌက်ုဏင့် နာဂပူဍုံ နာဂပူဘာႋစံင်မံင်အိုဝ် လေဝ်က်ုညာထင်းမာလောဟ်ပညာ့ဟှံင် ၂၀၁၄-ဏိင်းခါ့ Ph.D ထ်ုယဝ်အ်ုဏါင်းဟှင် An Analytical Study Of Vicissitudes Of Life (LOKADHAMMA) As Depicted In The Buddhist Pali Literature အ်ုမိင်အ်ှသုတေသနလိက်ဏ်ှအိုဝ် လ်ုနာဂပူဘာႋစံင်မံင် ပါဠိဌာနခေါဟ်ဖ်ုရဝ်ဖယ်ဆာပါမောက္ခ Dr. မာလာတီစာခါရေဝေ့ ဆ်ုယောဝ်ႋထောဝ်ႋဖင့်လအိုဝ်ဏှ် ကေဝ်ဝေ့ဟှံင်၂၀၁၅ဏိင်းခါ့ Ph.D Dr.ထ်ုယဝ်အ်ုဏါင်းဏ်ှအိုဝ် ဖၠံင့်ဟှဏေဝ်ဝေ့ဆေဝ်ႋလှ်။

ဖံင်းဖါ်ဝေ့သာသနဟှာင်ႋဘာႋသာ့ဟှာင်ႋလ်ုဖး မာန်နဲာက်ျာခေမိန္ဒဏှ် ၁၃၆၇-ဏိင်းခါ့ လ်ုဍုံထ်ုအင် ဇမ္ဗူမြိုင်ဘာႋအိုဝ်ဏှ် ကဲဝေ့လိက်ဘာႋလိက်အေန်ဂ်ုလါ်ဆြာ့ ဏဲလောဟ်ဖှ်ေ တ်ုပိုဲတ်ုဝါ့ဘာႋသယ်ဟှံင် လ်ုအ်ုဇာတါ်တွါန့် အါ်သာ်က်ုလာင့် ဍေ တ်ုကဝ်ပ်ုတါင်တွာန့်ဏှ် ဆ်ုယဝ်ခါ့ ဗုဒ္ဓဘာႋသာ့ဆ်ုဃှီ့လာဏးသှ်ေဆ်ုမာလောဟ်သယ်သီးဏ်ှအိုဝ် သံင်းမာလောဟ်ၜးဝေ့ဆေဝ်ႋလှ်။

ဖၠုံထီ့ခါန်ႋမေဝ်ပ္တီဍုံ မြပညာလင်းရောင်ခြည်ဘာႋဏ်ှအိုဝ် တာ်ခေါဟ်အင်းတာင်ဟှံင် သာသနဆ်ုမာလ်ုဖးဖံင်းဖါ်ၜးဝေ့ဆေဝ်ႋလှ်။ ၂၀၁၅ ဏိင်းခါ့အမေရိကန်ခါန်ႋဆိုဒ်ကံင်း တက္ကဆတ်ကၞင့် အမာရီလိုဍုံ ဖၠုံဗုဒ္ဓဘာႋသာ့အ်ုဖူ့အ်ုဍံင်း(Karen Buddhist Society of Texas)ဝေ့ ဍေဆ်ုလ်ုမံင်ဏှ် သာသနဆ်ုမာဟှင်ႋ ထံင်ဝေ့လ်ုအမေရိကန်ခါန်ႋအိုဝ်ဟှံင် ဆိုဒ်ဘာသာ့သာသနၜေ့မ်ုစီကၠာထင်းသိုဝ် တာ်ခေါဟ်အင်းတာင်လင်ဝေ့ ထီ့ဆေဝ်မေဝ်ယွာဘာႋအိုဝ်ဏ်ှလှ်။

အေဟှံင်ဍဝ် တက္ကဆတ်က်ုဏင့် ဟူစတန်ဍုံ (Karen Buddhist Society) ဖၠုံဗုဒ္ဓဘာႋသာ့အ်ုဖူ့အ်ုဍံင်း ဍေကောလိုရာဒို ဒင်းဗာဍုံ (Karen Buddhist Society of Colorado) ဖၠုံဗုဒ္ဓဘာႋသာ့အ်ုဖူ့အ်ုဍံင်းသီး ဖၠုံဘာႋမ်ုကဲထင်းဟှင် တါ်ခေါဟ်ဖံင်းဖါ်ဝေ့ဟှံင် လ်ုအာကန်ဇောကၞင့်၊ နီပရာဇကာကၞင့်၊ ပြောက်ုလိုင်းနားကၞင့်၊ နယူးယောက်ကၞင့်၊ ကတကီကၞင့်၊ ထနစီကၞင့် သီးဏှ် ဗုဒ္ဓဘာသာ့အ်ုဖူ့အ်ုဍံင်းသယ် ဍေဖၠုံဘာႋမ်ုကဲထင်းဟှင် ဖံင်းဖါ်ဆ်ုလ်ုဖး ဍေဖၠုံဆိုဒ်ဖောဟ်သင့်ဂ်ုမီ့သီး လ်ုအ်ုမေရိကန်ခါန်ႋအိုဝ် ဟှယ်က်ုညာကုက်မာ သာသနမ်ုကဲဟှင်ႋ ဖံင်းဖါ်ဆိုသယ်သီးဏ်ှအိုဝ် ဍေဟှာင်ႋဍေၜျာ တါ်ခေါဟ်ဖံင်းဖါ်ဝေ့ဍးဆေဝ်ႋလှ်။

မာန်နာဲကျာ် Dr.ခေမိန္ဒဏှ် အ်ုခါ့ယိုဝ် လ်ုအမေရိကန်ခါန်ဆိုဒ်ကံင်း တက္ကဆတ်ကၞင့် အမာရီလိုဍုံ (Hteesatmatywar Buddhist Temple)ထီ့ဆေဝ်မေဝ်ယွာဘာႋဏှ် ကဲတါ်ခေါဟ်သင့်အ္စာအ်ှဒ်ုမံင်းဝေ့ဟှံင် သာသနဆ်ုမာလ်ုဖးဏ်ှအိုဝ် ဍေၯါင်ပါင်ပါင် ကၠေစိုဒ်ဖံင်းဖါ်ဝေ့ဍးဆေဝ်ႋလှ်။

စင်ၜိုဝ် PhD ထ်ုယဝ်အ်ုဏာင်းဖၠံင့်ဟှးဏေဝ်ဝေ့ မာန်နဲာကျာ် Dr.ခေမိန္ဒဏှ် အိုဝ်ခွဲါက္ၜင်ပညာ့ဆ်ုၜုံးကုံလွာဲသီးခဝ့်သုင်းသာမုက်ဍောဟ်ဍောဟ်လေံးအ်ုခေါဟ်စံင် ဟှံင်ခေဝ်ၜးထိုင့်ဆိုဒ်အ်ုဟှင်ႋ အင်းအုက်ထိုင့်သာ့ပူဇဴယုဂ်ယာန်းၜး ဍေဆ်ုလာဆ်ုဖါန်ႋဆေဝ်ႋလှ်။