Wp/kiu/Malmisanıj

From Wikimedia Incubator
< Wp‎ | kiuWp > kiu > Malmisanıj
Jump to navigation Jump to search

Nustoğê roznameu Malmisanıj 1952ine de jü dewa Diyarbekır de maa ho ra bi. Wendisê huyo verên u wertên welat de, universıta ki Anqara de qedênay. Dıma heşt serri welat de malımiye kerde. Mabênê serranê 1975 u 1981ine de hirê rey kewt hepısxane.

1982ine de welat ra veciya. Universıta Sorbonne (Paris) u Universıta Uppsala (Swêd) de qısmê zonunê İrani wend. Universıta Lınköpıngi de qısmê terbiyeti de wend. Swêd de Universıta Göteborgi de masterê ho kerd temam.

Malmisanıj hına zaf be Zazaki u Tırki nuseno. Hemedê Xasi u Usman Efendiyê Babıji ra pey hata 1970 welat de Zazaki nênusiya bi (nêame bi nustene). Malmisanıj keso tewr verên (jüyin) o ke serranê 1970ine de welat de Zazaki nusto. Ey u taê albazunê ho 1979-1980ine de Tırkiya de pêseroka Tirêje vete. Nêmê na pêseroke Zazaki u nêmê cı ki Kırdaski bi. Qesebendê verênê Zazaki Malmisanıji kerd hazır u 1987ine de neşr kerd. Ey Farıski u Tırki ra taê hikayey ki tercumê Zazaki kerdi. Raa verêne ey Mewlıdê Hemedê Xasi u Usman Efendiyê Babıji herfanê Arebki ra çarnê (tadê) herfanê Latinki ser u nê her dı şairê Zazaun be ma dê naskerdene.

Hata ewro nezdiyê phoncas rozname (qezeta) u pêsereku de, be seu nustê Malmisanıji veciyay u ey nê pêsereku de redaktoriye kerde: Tirêj (İzmir), Hêvi (Paris), Armanc (Stockholm), Çarçıra (Stockholm), Wan (Stockholm), Çıra (Stockholm).

O ewro Swêd de serekê Komela Nustoğunê Kırdu (Kürt Yazarları Derneği) u serredaktorê pêseroka Vateyo.

Hata ewro ni des u hirê kıtabê Malmisanıji veciyay:

  • Yüzyılımızın Başlarında Kürt Milliyetçiliği ve Dr. Abdullah Cevdet, Uppsala, 1986, 124 pelgi
  • Ferhengê Dımılki-Tırki, Uppsala, 1987; İstanbul, 1992, 431 pelgi
  • Herakleitos, Uppsala, 1988, 51 pelgi
  • Li Kurdistana Bakur û Li Tirkiyê Rojnamegeriya Kurdî (1908-1992), Ankara, 1992, 465 peli (Malmisanıj & Mahmud Lewendi)
  • Folklorê Ma ra Çend Numüney, Uppsala, 1991; Îstanbul, 2000, 319 pelgi
  • Said-i Nursi ve Kürt Sorunu, Stockholm, 1991; İstanbul, 1991
  • Abdurrahman Bedirhan Ve İlk Kürt Gazetesi Kürdistan sayı: 17 ve 18, Stockholm, 1992, 138 pelgi
  • Bitlisli Kemal Fevzi ve Kürt Örgütleri İçindeki Yeri, Stockholm, 1993; Îstanbul, 1993
  • Cızira Botanlı Bedirhaniler ve Bedirhani Ailesi Derneği’nin Tutanakları, Stockholm, 1994; İstanbul, 2000
  • Kırd, Kırmanc, Dımıli veya Zaza Kürtleri, İstanbul, 1996, 88 pelgi
  • Ferhengekê Kırdki-Pehlevki-Kurmancki, Stockholm, 1997, 38 pelgi
  • Kürt Teavün ve Terakki Cemiyeti ve Gazetesi, Stockholm, 1998; İstanbul, 1999
  • Kurdiskt författarskap och kurdisk bokutgivning: bakgrund, villkor, betydelse, Stockholm, 1998, 64 pelgi

Kıtabunê corênu ra yê 2., 3., 5. u 11. be Zazakiyê, i bini be Kırdaski, Tırki u Swêdkiyê.

Nine ra teber Malmisanıji no kıtab redakte kerdo: Koyo Berz, Na Xumxuma, Jîna Nû, Uppsala, 1988 No kıtab transkribe kerdo u zonê ey sade kerdo: Celâdet Âli Bedirhan, Günlük Notlar (1922-1925), Dilini sadeleştirerek yayına hazırlayan: Malmisanıj, Stockholm, 1995, 76 pelgi

Taê nuste u şiirê Malmisanıji tercumê Franski, Swêdki u Arebki biy. Dı kıtabê Malmisanıji ki tercumê Arebki bîy:

  • Malmisanıj, Bedirxanîyyû Cezîret Botan we Mehadir Ictima`at el-`Aîlîyye el-Bedirxanîyye, Terceme: Şukûr Mustefa, Wezaret el-Seqafe, Erbîl, 1988
  • Malmisanıj, El-Qewmîyye el-Kurdîyye we D. `Ebdellah Cewdet Fî Metle1e`î el-Qernî el-`Isssrîn, Terceme: Şukûr Mustefa, Dar el-Aras, Erbîl, 2000

Girê teberi[edit]