Wp/kiu/Deniz Gündüz

From Wikimedia Incubator
< Wp‎ | kiu
Wp > kiu > Deniz Gündüz

Deniz Gündüz romannuştoxêkê Dimilkî yo.

Deniz Gündüz çeleyê 1976î de dewa Gimgimî Canesera de ameyo dinya. Hema ke hîrêserre bîyo keyeyê înan bar kerdo, şîyê Uskira. Mektebo verên Uskira de wend. Mîyanên zî na dewe de dest pêkerd la Tetwan de temam kerd. Wendişê lîse zî, Bidlîs de dest pêkerd, Îzmîr de temam kerd. 1994 de Anadolu Üniversitesi ya Eskişehirî de qismê Tarîxê Hunerî (Sanat Tarihi) de qeyda xo viraşte labelê wendişê xo temam nêkerd. 1996 de Îzmîr de temsîlkarîya Weşanxaneya Komalî kerde. Wexto ke no gure kerdêne, xo da xebata ziwanê kurdkî ser û dest pêkerd bi Dimilkî nuşt. Serra 2000î de romanê xo Kilama Pepûgî ke romano yewin yê Dimilkî yo, da weşanayîş. Serra 2003 de bi wasitayê Weqfa Kurdî ya Kulturî li Stokholmê Unîversîteya Upsala de yew termîn Dimilkî wende. Badê ke Swêd ra agêra, Îstanbul de Weşanxaneyê Vateyî awan kerd. Û êdî bi temamî xo da karê edebîyatî û weşangerîya Dimilkî ser. Kovara Vateyî ke Swêd de hetê Grûba Xebate ya Vateyî ra amade bena, Tirkîya de dano çape ro û vila keno. Heto bîn ra Weşanxaneyê Vateyî de hetanî nika 23 teneyê înan Dimilkî, 30 kitabî weşanayê.

  1. Kilama Pepûgî, roman, Vejîyayîşê Vartanî, Enqere, 2000
  2. Hîkayeyê Koyê Bîngolî, hîkaye, Weşanxaneyê Vateyî, Stenbol, 2004
  3. Kırmancca/Zazaca Dil Dersleri, gramer, Weşanxaneyê Vateyî, Stenbol, 2006, [ISBN 97-5627-810-2]

Grêdayêy Teberî[edit | edit source]

Netkurd

Referans[edit | edit source]

Kovara Tîroj hûmara 31.