Wp/kiu/İncıle

From Wikimedia Incubator
< Wp‎ | kiuWp > kiu > İncıle
Jump to navigation Jump to search
İncıle

İncıle (ebe İngilızki: Bible), Hz. İsay rê ama u kıtabê İsewitênio. Nustê Yahudiun u Xıristiyanuno bımbareko ke zerrê jü kıtabi de amo pêser. No kıtab tewr zêde çarniyo mıxtelıf zonun u tewr hira dina sero biyo vıla.

İsewitênia ke Musewitêni ra veziya, uza ra Ado Khan gureto u Ado Newe kerdo ra ser. Cokao ke İncıle dı letey ra yena pêra. Letê huyo jü Ado Khan, leto bini ki Ado Neweo. Kıtabê Adê Khanê tewr zaniyaey Genesis (Afernais), Eksodus (Veziyais), Mezmuri, Kıtabê Eyubi u Kıtabê İşayaê. Ado Newe 27 (vist u hot) kıtabu ra yeno pêra. Nine ra çar İncıli, yê Matta, Markos, Luka u Yuhannaê ke cüaene u gurê Hz. İsay ra xebere danê; hedisê 12 (des u dı) hewariu, mektuba Pawlusi be komela Korintosızu rê u wehyê Yuhannay tewr muhımê.

Hetta mabenê Tewrate u İncile de hetê itıqadi ra ferqo pil çino, coka ekseriya nê her dı kıtabi zê jü kıtabi hesabinê. Hama mabenê nê kıtabu de zaf ferqi u tezati ki estê; ca-ca tarixi, namey, hedisey zubini nêcênê.

Gorê mısılmanu İncıle ama tehrif-kerdene (vurnaene), ewro İncıla heqe werte de çina. Çiyo ke nê kıtabu dero, % 80 tarix, şecere u efsane (mitolociye u hêkat)ê. Efsane u hêkatê ke Tewrate de vazinê, pêro be kılmiye İncıl u Qurane de ki tekrar benê. Çiyo zêdêr, İncıle de, Hz. İsa mucizu musneno ra: Hz. İsa nêwesu keno wes, merdu keno cınde, pê jü letê noni ra hazaru ra mordemu keno mırd, kerre (kemer) ra awe vezeno u taê hedisê tarixi ca cênê.

Ninu ra dot mordem şikino vacz ke, hem İncıle de, hem Qurane de % 80 çiyo ke Tewrate de vêreno, tekrar beno. Hetê efsanu, hêkatu, tarixu, mıntıqu, mıletu, bacar u medeniyetu ra nê kıtabi hema hema zê zubiniê, zubini kenê temam.

Zerrê İncıle ra[edit]

Qayt ke[edit]

Çımey[edit]