Wp/kip/गोरखा जिल्ला

गोरखा जिल्ला नेपालला गण्डकी अञ्चलल परिने तोबो जिल्ला सा । आओ जिल्ला नेपालए गण्डकी अञ्लल अवस्थित तोबो जिल्ला सा। गोरखा जिल्लाए सदरमुकाम गोरखा बजार सा जो पृथ्वीनारायण नगरपालिकाल परि।

जनसंख्या[edit | edit source]

राष्ट्रिय जनगणना २०६८ अनुसार गोरखा जिल्लाल कूल जनसंख्या २,७१,०६१ जना मध्ये खेपा १,२१,०४१ जना सन मेमा १,५०,०२० रहिडे लेर।

धार्मिक स्थलर[edit | edit source]

आआे बाहेक आला शक्तिकी स्वरूप श्री भवानी कालिका सन शिव स्वरूप श्री गुरु गोरखनाथ बाबा टाआे टाकाई धार्मिक हिसाबल शिव-शक्ति पीठए रूपल आआे पोए महत्वपूर्ण स्थान ले ।^[1]

ऐतिहासिक[edit | edit source]

आल वि. सं. १७७९ ल राष्ट्रनिर्माता श्री ५ वडामहाराजधिराज पृथ्वीनारायण शाहए जन्म टाडे लेआे । गोरखाल जगतमाता भगवती कालिए मन्दिर सन जगतगुरु मानिसिने गुरु गोरखनाथए गुफा पनि ले । आल हजारौं भक्तजनर दर्शन डोने सन यामी मनोकामना पूरा जैने लागि हुने डोर । साथै प्रत्येक अष्टमीए दिन बलि पूजा चढैसि । दैनिक नित्य पूजाआजा सन भजनकीर्तन टाए । कालिका सन गुरु श्री गोरखनाथलाई हिन्दुराई आराध्य वा नेपालला राष्ट्रदेवता मानिसि । नेपाली सिक्कात पनि श्री भवानी सन श्री श्री श्री गोरखनाथ सर्सिउ दैसिसि । साथै नेपालए राष्ट्रिय निशाना छापल पनि गुरु श्री गोरखनाथए चरण अङ्कीत लेआे । आङाई थाहा टाए कि आआेर गे पार नेपाली आरध्यदेव सा।^[2]

पर्यटकिय स्थलर[edit | edit source]

आआे पोए छुट्टो विशेषता गार्सिउ आङाई रङसिने चाँदीए घेर मिताउ उत्तरडेङा हिमाली श्रृङ्खला सा । संसारला पाचौंला झेनो हिमाल मनासलु आआे भेकल परि । आङाई धवलागिरी ङाई गणेश हिमाल सम्मला मनमोहक दृश्य रङसि । यिताउ ज बाक्लो जंगल तथा पिंआे पहाडर, हिमालङाई कलकल जैडे बगिने नदिनालार, सम्ममैदान सन फाँटर, शितोष्ण बतास री, शान्त वातावरण आदीए जैकाई आल हुने जो कोहीराई यामी पनि मन छुआे । आआेए कारणराई वर्षेनी विश्वला बिभिन्न मुलुकरङाई मस्त पर्यटकर आल हुने डोर। साथै सौर पानी गा.वि.स. अन्तर्गत सिता गुफा पनि तोबो प्राकृतिक गुफा सा जोङाई धादिङ जिल्लाए सिनानाल रहिउ आरुघाट बजारए नजिक बुढीगण्डकी नदिए सागुए छेउक रहिउ जिमु गुफास जोडिसिउ ले गार्ने मान्यता रहिडे ले । साथल राजा द्रव्य शाहए दरबार रहिउ लिग्लिग कोट अनि श्रीनाथ कोट एवं २२ कोटर रहिडे लेर । आआे जिल्लाए उत्तरि भेगल हिन्दु धर्मावलम्बिराई प्रसिद्ध श्री नारद पोखरी रहिडे ले । हजारौं भक्तजनर बर्सेनि आल रक्षाबन्धन अथवा जनै पुर्णिमाए दिनल आल स्नान डोने लागि ३/४ दिन सम्म पैदल यात्रा हुडे ऋषी नारद मुनिए पूजा डोर । लमजुङ जिल्लाए सिमानाल छुट्टो पोखरी रहिडे ले । जोए मीन दुधपोखरी सा आआे पनि हाडरा ज प्रसिद्ध ले ।

आआे पोखरीङाई पुलिउ री आछिम चेपे नदि बनिडे गोर्खा सन लमजुङए सिमाना छुटैने मदत डोडे नैआे । नारद पोखरीङाई निकास टाडे आछिम गोर्खाए खारलाई दरौंदी नदी बगिडे ले जोलाई धर्मनदि पनि गार्ने डोसि ।^[3]