Wp/khw/دعا

دعا ، عربی زبانو لوظ شیر وا ھمو لغوی معنی التجا، اشقالی اوچے دعا شیر لیکن مذہبی مفہوما ھموغاری مراد اللہ تبارک و تعالو ساری (عموما دوران عبادت) کیہ فریاد کوریکو یا کیاغ طلب کوریکو یا مشکیکوتے دعا رونو بویان۔ دعا کھوار زبانواصناف سخنن موژاری ای صنف شیر وا ھیہ صنفو رحمت عزیز چترالی ایجاد کوری آویلو دفعہ تان کھوار شاعریا استعمال کوری اسور وا ھیہ صنف کھوار زبان کافی مقبولیت حاصل کوری شیر، ھیغار علاوہ مخصوص آیاتن ورد کوریکوتے دی دعا رونو بویان جبکہ کیہ شخصیتو بچے نیک تمنا وا بھلائی اوچے جمیو خواہشو اظہاروتے دی دعا رونو بویان۔ اہل اسلامو نزداخدایو ساری دعا مشکک عبادتہ شامل شیر۔ خداوند قدوس تان دی بعض دعان نشان دیتی اسور کہ بنداگانن ھموش طھریقا یا اندازا یا ھموش الفاظا دعا کوریلیک۔ ھشتانچقہ بعض پیغمبران دی کیہ دعا کہ کوری اسونی ھے دعان دی زکر قرآنا گیتی شیر تاکہ عام مسلمان دی ھے موقعا ھے دعان مشکار۔ حدیث مبارکہ دی بعض دعان ذکر شیر کھیو کہ جودنیو سردار آنحضرت صلی اللہ علیہ وسلم بعض موقعا مشکی یا ھیتان مشکیکو حکمو دیتی اسور۔ علماء فقہا دی خاص خاص موقعان بچے دعا مقرر کوری اسونی۔ ھیتان موژاری بعض (مثلاً دعائے حزب البحر) بو مقبول شینی۔

دُعا

• نیویشک:رحمت عزیز چترالی

قبول کورے دعا، خدایا

انسان اسپہ جم ساوزا،خدایا

غلط راہا مو بوغام

فروسک راہو پشا، خدایا

مہ ھردیو یہ آرمان شیر

مدینہ شریفو مہ پشا، خدایا

علمو دولتو سفوت دیتی

ھیتان ھردیان روشتا، خدایا

حراماری اسپہ بچ کورے

ررق حلال اسپہ ژیبا، خدایا