Wp/khw/اقرارالدین خسرو شاعری
غزل
تیرو کمان گنی گئے کوری نشان مہ قاتل
مہ ژان تہ سورا نذر تو کہ خوشان مہ قاتل
بیکو نوژان سریران کھلی جہاں مہ قاتل
مہ قتل کا نوکوروۓ کہ ھوۓ انسان مہ قاتل
ھونی یاردوست مہ یغی نو کوم دشمانوت گلہ
بوین مہ شئخچہ گیرو ہرای مہمان مہ قاتل
ھم نشین حورو صلہ ھیہ رقیبو اعزاز
وا دی مکین جنت گر کہ نوژان مہ قاتل
دونی شمشیرو کورمو نوبوۓ کھونگیر ضرورت
چشم نیم باز مہ خوشو لب خنداں مہ قاتل
چشم سیاہ مہ قاتل توغو ادا مہ قاتل
نازک بدن مہ قاتل ژنو دشمن مہ
ای کشمکشو منظر لوڑے خسروو دنئیو
سۓ مہ آرمانن قاتل توغو ارمان مہ قاتل
اقرارالدین خسرو