Wp/kek/Li Awas

From Wikimedia Incubator
< Wp‎ | kek
Wp > kek > Li Awas

Li awas, a'an jun xyehom xb'aanuhom li tenamit aj Q'eqchi' rik'in li k'iila yu'am, naab'al nake'yehok re naq a'an sachb'a ch'oolej xb'aanaq chalkjenaq chaq sa' xchamal ru li na'leb', na xjach rib' sa' oxib' b'ar wi' na yu'amimank; Awas sa' xyu'am li poyanam, Awas sa' xyu'am li awimj ut Awas sa' xyu'am ketomj.

Li xnimqal xna'leb'eb qana' qayuwa'
Ka'aj wi' rik'in xyu'aminkil li xnarteril na'leb' li qaxe' qatoon tooruuq wi' chik chi wank sa' sahilal.

Li qana' qayuwa' nake'xye naq chi xjunilo yal na qak'aama qib' rik'in li xk'iila metz'ew li k'a' ru wank sa' qasutam, li na'ilmank ru ut li ink'a', ab'an chi xjunil wank xyu'am, wi' yal na xk'aama rib' qayu'am, na raj na xye naq aajel ru naq tuqtuuq ru li qawanjik re naq ink'a' t-tzuklerib' li yu'amej, maajun tento tnumtaaq xb'aanaq jun naqik qaloq'al.

Chalen xk'ulunikeb' laj kaxlan poyanam sa' qayanq, ke'xjal xyaalalil a na'leb' a'in xb'aanaq ke'xye naq li ka'aj wi' laj saqi winq wank xyu'am ut a'an yaal re sa' xb'een chi xjunil li wank sa' xb'een a ruuchich'och', aran ut xtikib' xtzuklenkil rib' li qawanjik ut xtikib' xk'ulb'al li k'iila raylal.

chi ru a kutankeb' a'in, eb' li qacheekelal yookeb' xyeeb'al naq aajel ru wi' chik xxokb'al, xkawresinkil ut xyu'aminkil li AWAS re naq tooruuq xtuqub'ankil li qawanjik.

A na'leb' a'in, toj yooqo xtiqb'al, b'ar wi' yooqo xyeeb'al kiib' oxib'aq reetalil chank ru ut k'a' ru xyaalal.