Wp/kea/Suparason di puderis

Tiuria di suparason di puderis di Monteskiê, na kol ta bazióde más grandi parti di Stadus mudérnu, é un prinsípi fundamental di dimukrasias raprizentativu. El ta afirma un distinson entri tres puderis struturalmenti ndipendentis — Izikutivu, Lijislativu ma Djudisiári — kada un ku funsons spisífiku déntu di Stadu i tánbi ku ruspetivu limitasons. Na el, ta diskrebedu ki tudu atividadis di kada puder debi ser kunsetual i institusonalmenti difrensióde, ku obujetivu di ta manti ntegridadi di kes tres róm di puder statal. In jeral, é na konstituison di un país ki ta nkontróde linhas jeral di suparason di puderis, suma numiason di órgons i otoridadis iletu pa kas ta dilegadu izersísi skluzivu di funsons di kada puder, si kumó régras pa ndipendénsa di atuason i meis di pruteson kóntra ntirfirénsas iventual di otu puderis.

Ta kunsideradu ki un gubérnu tene ólte grau di suparason na kes senári na kas kada puder ta dzinpenha stritamenti apénas si funson; okontrári, kantu un puder ta bin dzinpenha, siginifikativamenti, funsons di kelotu, ta izisti un senári kunxedu kumó fuzon di puderis, un karatirístika ki é mutu kumun na rijimis parlamentarista, pabia na es, jeralmenti, ka ta izisti suparason kunsiderávi entri róms izikutivu i lijislativu.

Odja tánbi