Wp/kea/Sugundu Grandi Géra

Nsoldadu suviétiku ta astia bandera na Reichstag dispos di Batadja di Berlin, na 1945

Sugundu Grandi Géra, tánbi txumóde Sugundu Géra Mundial, foi un kunflitu ku nvolvimentu di txeu nasons di mundu, nkluzivi kes kunsideróde grandi puténsa, organizóde na dos aliansas militar opostu: Aliadus i Exu. Es foi géra más stensu di tudu ténpus, ku mobilizason di más di 100 milion di militaris. Na un stadu di géra tutal, kes prinsipal nvolvidu didika tudu si kapasidadis ikunómiku, industrial i sientífiku na sirbisi di sforsus di géra. Di es manera, es bandona distinson entri rakuisus sivil i militar. Markóde pa un nunbru kunsiderávi di atakis kóntra sivis, u-ki nklui kuntisimentus kumó Olokaustu i kel úniku bes na kol armas nukliar foi uzóde na kunbati. Es foi kunflitu más letal di stóra di umanidadi, ki razulta na mórti di 50-70 milion di pisoas.