Wp/kea/Stóra di Kauberdi

Stóra di Kauberdi
Stóra kulunial
Pruvínsia Ultramarinu di Kauberdi Npéri Purtugês Kumérsi di skrabizadus na Atlántiku Fómi na Kauberdi
Luta pa ndipendénsa
Partidu Afrikanu pa Ndipendénsa di Giné ku Kauberdi Partidu Afrikanu pa Ndipendénsa di Kauberdi Géra Kulunial Purtugês

Tradisiunalmenti, tudu studu di stóra di arkipélagu di Kauberdi éra rializóde na ánbitu di óbras jeral sobri Npéri Purtugês, o na ánbitu di atuason di ditirminóde kongregason ralijozu, txeu bes apartadu di studu di kósta di Giné. Más antigu diskrisons di aspétus stóriku, jográfiku i etinugráfiku ta sentradu na rijon di rius di Giné, i es ta fasi rafirénsa pa ilias di Kauberdi di un fórma brévi txaskan, kónde es ta ralasonaba ku kel kósta, kumó na es óbras:

• André Álvares de Almada, Tratado breve dos rios da Guiné do Cabo Verde (...), 1594;
• André Donelha, Descrição da Serra Leoa e dos rios da Guiné do Cabo Verde, 1625; e
• Francisco de Lemos Coelho, Descripção da Costa da Guiné e Situação de todos os Portos e Rios dela (...), 1684.

Txaskan na final di séklu XIX surji un purmeru síntizi sobri tutalidadi di stóra di Kauberdi, txumóde Subusídis pa Stóra di Kauberdi i Giné, otoria di Kristianu Djusé di Séna Barsélus (Lisboa, Akademia Rial di Siénsas di Lisboa, 1899).